Аудио ::

Тешик этген тынчды, аны джамагъан къыйынды.
Эртде тургъан бла эртде юйленнген сокъуранмаз.
Джауумдан сора, кюн кюйдюрюр, ётюрюкден сора, айыб кюйдюрюр.
Ашына кёре табагъы, балына кёре къалагъы.
Ишленмеген джаш – джюгенсиз ат, ишленмеген къыз – тузсуз хант.
Джарлыны тону джаз битер.
Аманнга да, игиге да оноусуз къатышма.
Джюрекден джюрекге джол барды.
Нарт сёз къарт болмаз.
Бети бедерден, намыс сакълама.
Джахил болса анасы, не билликди баласы?
Ушамагъан – джукъмаз.
Арыгъан къош чамчы болур.
Чомарт бергенин айтмаз.
Ач келгенни – тойдур, кеч келгенни – къондур.
Ашхылыкъ джерде джатмайды, аманлыкъ суугъа батмайды.
Ишни аллы бла къууанма да, арты бла къууан.
Тешигини къатында, чычхан да батыр болур.
Суугъа – чабакъ, къаягъа – ыргъакъ.
Дуния аламаты сен эсенг да, игиме деб айтма.
Кёзю сокъурдан – къоркъма, кёлю сокъурдан – къоркъ.
Къызгъанчдан ычхыныр, мухардан ычхынмаз.
Къайгъы тюбю – тенгиз.
Шекер бла туз – бир болмаз, ушамагъан – юй болмаз.
Джарлы джети элни сёзюн этер.
Хар адамгъа кеси миннген тау кибик.
Тюзлюк тас болмайды.
Сёз къанатсыз учар.
Атлыны кёрсе, джаяуну буту талыр.
Джашда акъыл джокъ, къартда къарыу джокъ.
Адебни адебсизден юрен.
Суу ичген шауданынга тюкюрме.
Таукел адам тау тешер.
Аз айтсам, кёб ангылагъыз.
Къонакъ хазыр болгъанлыкъгъа, къонакъбай хазыр тюлдю.
Этни да ашады, бетни да ашады.
Аз сёлешген, къайгъысыз турур.
Тенгни тенглиги джашай барсанг билинир.
Акъыллы башны – тили къысха.
Джумушакъ терекни къурт ашар.
Айныгъанлы алты кюн, тогъайгъанлы тогъуз кюн.
Ариуну – ауруу кёб.
Акъыл бла адеб эгизледиле.
Тамбла алтындан бюгюн багъыр ашхы.
Алгъанда – джууукъ, бергенде – джау.
Агъач халкъгъа алтынды, иссиликге салкъынды.
Уллу айтханны этмеген – уллаймаз.
Суу да къайтады чыкъгъан джерине.
Ётюрюкню башын керти кесер.
Аууздан келген, къолдан келсе, ким да патчах болур эди.

Логин:	Регистрация

Пароль:	Забыли пароль?

Запомнить меня

Аудио

Скачать

Популярные песни

Адрес