Аудио :: Аудио:: Отаров Омар

Ашатыргъа иш – ашхы, ишлетирге аш – ашхы.
Ойнай билмеген, оюн бузар.
Тили узунну, намысы – къысха.
Эркишини аманы тиширыуну джылатыр.
Дуния мал дунияда къалады.
Таугъа чыгъаллыкъ эсенг, тюзде къалма.
Ач къалгъандан, кеч къалгъан къолай.
Агъач халкъгъа алтынды, иссиликге салкъынды.
Экеулен сёлеше тура эселе, орталарына барыб кирме.
Ата Джуртуму башы болмасам да, босагъасында ташы болайым.
Ашхы – джыяр, аман – джояр.
Уллу къазанда бишген эт, чий къалмаз.
Оюмсуз атлагъан, аджалсыз ёлюр.
Уясында не кёрсе, учханында аны этер.
Тамчы таш тешер.
«Ма», - дегенни билмесенг, «бер», - дегенни билмезсе.
Сёз садакъдан кючлюдю.
Тил – кесген бычакъ, сёз – атылгъан окъ.
Хар зат кесини орнуна иги.
Ариу сёзде ауруу джокъ.
Ёксюзню тилеги къабыл болур.
Тели турса – той бузар.
Айырылмаз джууугъунга, унутмаз сёзню айтма.
Байма, деб да, къууанма, джарлыма, деб да, джылама.
Къаллай салам берсенг, аллай джууаб алырса.
Кёб ант этген, кёб ётюрюк айтыр.
Нёгер болсанг, тенг бол, тенг болмасанг, кенг бол.
Тёрени джагъы джокъ.
Сабыр джетер муратха, сабырсыз къалыр уятха.
Хунаны тюбюн къазсанг, юсюнге ауар.
Джауумдан сора, кюн кюйдюрюр, ётюрюкден сора, айыб кюйдюрюр.
Тил бла келеди джыр да.
Орну джокъну – сыйы джокъ.
Эшекни не къадар тюйсенг да, ат болмаз.
Тешигини къатында, чычхан да батыр болур.
Ач бёрюге мекям джокъ.
Ханнга да келеди хариблик.
Илму – джашауну джолу.
Кёрмегеннге кебек – танг, битмегеннге сакъал – танг.
Кесине оноу эте билмеген, халкъына да эте билмез.
Накъырда – кертини келечиси.
Тойгъан джерге джети къайт.
Адамны аманы адамны бети бла ойнар.
Адамны сабийин сюйген джюреги, бычакъча, джитиди.
Ач уят къоймаз.
Окъугъан озар, окъумагъан тозар.
Сангырау къулакъ эл бузар.
Къазанчы аман болса, къазаны къайнамаз.
Айтылгъан сёз ызына къайтмаз.
Юйлю уругъа ит чабмаз.

Логин:	Регистрация

Пароль:	Забыли пароль?

Запомнить меня

Аудио

Отаров Омар

Скачать

Адрес