- Ач уят къоймаз.
- Тюз сёз баргъан сууну тыяр.
- Ашына кёре табагъы, балына кёре къалагъы.
- Кёзю сокъурдан – къоркъма, кёлю сокъурдан – къоркъ.
- Баланы адам этген анады.
- Къолу уллу – асыу, аягъы уллу – джарсыу.
- Аллахдан тилесенг, кёб тиле.
- Ёлюк кебинсиз къалмаз.
- Ачны эсинде – аш.
- Акъдан къара болмаз.
- Кимни – тили, тиши онглу, кимни – къолу, иши онглу.
- Байлыкъ адамны сокъур этер.
- Джангызны оту джарыкъ джанмаз!
- Тил бла келеди джыр да.
- Насыблы элин сюер, насыбсыз кесин сюер.
- Душманны тышы – акъ, ичи – къара.
- Байлыкъ болгъан джерде, тынчлыкъ джокъду.
- Эринчекни аурууу – кёб.
- Экиндини кеч къылсанг, чабыб джетер ашхам.
- Бёрю да ач къалмасын, эчки да ашалмасын.
- Ач къарным, тынч къулагъым.
- Къазанны башы ачыкъ болса, итге уят керекди.
- Бастасын ашагъан, хантусун да ичер.
- Къаллай салам берсенг, аллай джууаб алырса.
- Къарнынг бла ёч алма.
- Ашхылыкъ джерде джатмайды, аманлыкъ суугъа батмайды.
- Махтаннган къыз, тойда джукълар.
- Тыш элде солтан болгъандан эсе, кесинги элде олтан болгъан игиди!
- Эки итни арасына сюек атма, эки адамны арасында сёз чыгъарма.
- Сангырау къулакъ эл бузар.
- Билгенни къолу къарны джандырыр.
- Ата джурт – алтын бешик.
- Иги сеники эсе да, сюйген кесимикин этеме.
- Бичгенде ашыкъма, тикгенде ашыкъ.
- Къонакъны къачан кетерин сорма, къачан келлигин сор.
- Ётюрюкню къуйругъу – бир тутум.
- Сескекли кесин билдирир.
- Джылар джаш, атасыны сакъалы бла ойнар.
- Къайгъыны сюйген, къайгъы табар.
- Халкъгъа джарагъан, джарлы къалмаз.
- Артына баргъанны, къатына барма.
- Эл бла кёргенинг эрелей.
- Ана къолу ачытмаз.
- Этек чакъмакълары баш джаргъан, сёлешген сёзлери таш джаргъан.
- Иги болса, тамадама – махтау, аман болса, меннге – айыб.
- Ат да турмайды бир териде.
- Айтхан – тынч, этген – къыйын.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эртде тургъан джылкъычыны эркек аты тай табар.
- Хар сёзню орну барды.