Расширенный поиск
1 Июня 2024 года
Логин: Регистрация
Пароль: Забыли пароль?
Навигация
Словарь
  • Эте билген, этген этеди, эте билмеген, юретген этеди!
  • Ашарыкъда сайлагъаннга – чий гырджын.
  • Аман адамны тепсинге олтуртсанг, къызынгы тилер.
  • Аз айтсам, кёб ангылагъыз.
  • Билимсиз иш бармаз.
  • Онгсузну – джакъла, тенгликни – сакъла.
  • Хоншуну тауугъу къаз кёрюнюр, келини къыз кёрюнюр.
  • Окъугъан озар, окъумагъан тозар.
  • Къатын къылыкъсыз, эр тынчлыкъсыз.
  • Ашда – бёрю, ишде – ёлю.
  • Адебни адебсизден юрен.
  • Джогъун бар этген, барын бал этген.
  • Халкъны юйю – туугъан джери.
  • Чомартны къолун джокълукъ байлар.
  • Ариу сёз – къылычдан джити.
  • Къарнынг ауруса, ауузунгу тый
  • Айырылгъанланы айю ашар, бёлюннгенлени бёрю ашар.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Къарт болгъан джерде, берекет болур, сабий болгъан джерде, оюн болур.
  • Хар зат кесини орнуна иги.
  • Шекер бла туз – бир болмаз, ушамагъан – юй болмаз.
  • Джарлы тюеге минсе да, ит къабар.
  • Ёгюзню мюйюзюнден тутадыла, адамны сёзюнден тутадыла.
  • Экеулен сёлеше тура эселе, орталарына барыб кирме.
  • Этни да ашады, бетни да ашады.
  • Джылар джаш, атасыны сакъалы бла ойнар.
  • Тойчу джашха къарама, къойчу джашха къара.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Джаханимни кёрмей, джандетге кёл салмазса.
  • Сибиртки да сыйлы болду, кюрек да кюнлю болду.
  • Айраннга суу къош, телиге джол бош.
  • Бозаны арты дауур болур.
  • Билимден уллу байлыкъ джокъду.
  • Ёлген эшек бёрюден къоркъмайды.
  • Акъыллы башны – тили къысха.
  • Ач да бол, токъ да бол – намысынга бек бол.
  • Юре билмеген ит, къонакъ келтирир.
  • Сангырау къулакъ эл бузар.
  • Бозанг болмагъан джерге, къалагъынгы сукъма.
  • Келгинчи, къонакъ уялыр, келгенден сора, къонакъбай уялыр.
  • Джол бла сёзню къыйыры джокъ.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Махтаннган къыз, тойда джукълар.
  • Ушамагъан – джукъмаз.
  • Бойнуму джети джерден кессенг да, мен ол ишни этеллик тюлме.
  • Кёбню кёрген – кёб билир.
  • Къарнынг къанлынга кийирир.
  • Ёзденликни кёбю ётюрюк.
  • Тил джюрекге джол ишлейди.
  • Илму – джашауну джолу.

Аудио

Отаров Омар

Файлов: 265

Обновлен: 06.07.2017

  • Отаров Омар Кёгала (с Алтуевоей Зоей)
(Голосов: 2, Рейтинг: 5)

Описание

Дата: 11.04.2013
Прослушиваний: 2025
Скачиваний: 1240
Размер: 6.24 МБ
Текст песни:
музыка Маджита Ногайлиева
стихи Азамата Суюнчева

Джашла:
Кёкле тюбюнде, кёкбаш юйледе
Джашайды ариу Кёгала.
Экибиз бирге кюйюб барабыз,
Кёгала, санга тарала.

Кёгала:
Кёкле тюбюнде, кёкбаш юйледе
Мен бек къайгъысыз джашаеем,
Тойгъа-оюнга къошулмай эдим,
Мен сюймекликден ташаем.

Джашла:
Джарыкъ джулдузча, сени сыфатынг
Къууат салады шахаргъа,
Ышаргъанчыгъынг, ала кёзлеринг
Къоймайла бизни джашаргъа.

Кёгала:
Бизни тийреге сиз тойгъа келиб,
Юйде олтутуруб кетдигиз,
Бирден кёзюме къараб ышарыб,
Мени тынчлыкъсыз этдигиз.

Джашла:
Субай санынга ариу джарашхан
Кёк бетли чепкен кийесе,
Экеулен болуб сени сюебиз,
Сен къайсыбызны сюесе?

Кёгала:
Экигизге да бир сёзюм джокъду,
Джашла, сиз ашхы, аламат.
Халал тенглени шохлугъун бузсам,
Не айтыр манга джамагъат?

Джашла:
Экибиз бирге аллынга келдик,
Бир-бирибизден уяла,
Халал тенглени харам этме да
Бирин сайлачы, Кёгала.

Кёгала:
Экигизни мен айырмайын,
Бирча багъалы кёреме.
Айыб этмегиз, тюзюн айтайым,
Мен башха джашны сюеме.

Комментариев нет

  • Зарегистрируйтесь чтобы пользоваться плейлистом.