Аудио :: Аудио:: Жашуев Башир

Окъугъанны бети джарыкъ.
Адамны аманы адамны бети бла ойнар.
Халкъгъа джарагъан, джарлы къалмаз.
Айраннга суу къош, телиге джол бош.
Сабийликде юретмесенг, уллу болса – тюзелмез.
Акъыл аздырмаз, билим тоздурмаз.
Джиби бир къат джетмей эди да, эки къат тарта эди.
Накъырданы арты керти болур.
Хазыр ашха – терен къашыкъ.
Къарнынг къанлынга кийирир.
Кечеси – аяз, кюню – къыш, джарлы къаргъагъа бир аш тюш!
Оюмсуз атлагъан, аджалсыз ёлюр.
Джарлыны тону джаз битер.
Намысы болмагъанны, сыйы болмаз.
Ашына кёре табагъы, балына кёре къалагъы.
Элде адам къалмаса, ит тахтагъа минер.
Акъыллы эркиши атын махтар, акъылсыз эркиши къатынын махтар.
Джуртун къоругъан озар.
Ишленмеген джаш – джюгенсиз ат, ишленмеген къыз – тузсуз хант.
Кёлсюзден сёзсюз тууар.
Тёрдеги кюлсе, эшикдеги ышарыр.
Таукел тауну аудурур.
Киштикге къанат битсе, чыпчыкъ къалмаз эди.
Джыланны къуйругъундан басарынг келсе, аны башы болгъанын унутма.
Окъуусуз билим – джокъ, билимсиз кюнюнг – джокъ.
Иги адамны бир сёзю эки болмаз.
Ана къойну – балагъа джандет.
Сёз къанатсыз учар.
Башы джабылгъан челекге, кир тюшмез.
Ойнай билмеген, уруб къачар.
Къонакъ хазыр болгъанлыкъгъа, къонакъбай хазыр тюлдю.
Кютгени беш эчки, сызгъыргъаны уа, джерни джарады.
Ауузу бла къуш тута айланады.
Къатын къылыкъсыз, эр тынчлыкъсыз.
Сютден ауузу кюйген, суугъа юфгюре эди.
Иги сёз – джаннга азыкъ, аман сёз башха – къазыкъ.
Къонагъынгы артмагъын алма да, алгъышын ал.
Билимли ёлмез, билимсиз кёрмез.
Аманнга да, игиге да оноусуз къатышма.
Аллахдан тилесенг, кёб тиле.
Атлыны кёрсе, джаяуну буту талыр.
Чёбню кёлтюрсенг, тюбюнден сёз чыгъар.
Танг атмайма десе да, кюн къоярыкъ тюйюлдю.
Адебни адебсизден юрен.
Кёкдеги болмаса, джердегин кёрмейди.
Бюгюн дуния кибик, тамбла ахыратды.
Сёз садакъдан кючлюдю.
Аууз сакълагъан – джан сакълар.
Адам туугъан джеринде, ит тойгъан джеринде.
Накъырда – кертини келечиси.

Логин:	Регистрация

Пароль:	Забыли пароль?

Запомнить меня

Аудио

Жашуев Башир

Скачать

Адрес