Аудио :: Аудио:: Габаев Тенгиз

Кюн – узун, ёмюр – къысха.
Мен да «сен», дейме, сен да «кесим», дейсе.
Атлыны ашхысы, ат тизгининден билинир
Телиге от эт десенг, юйюнге от салыр.
Ётюрюкчюню шагъаты – къатында.
Ишлегенден, къарагъан уста.
Аякъларынгы джууургъанынга кёре узат.
Ёзденликни кёбю ётюрюк.
Суу да къайтады чыкъгъан джерине.
Аман адамны тепсинге олтуртсанг, къызынгы тилер.
Уллу атлама – абынырса, уллу къабма – къарылырса.
Джиби бир къат джетмей эди да, эки къат тарта эди.
Тин – байлыгъынг, терен саулугъунг.
Ат да турмайды бир териде.
Джигер – джаннга къыйынлыкъ.
Накъырданы арты керти болур.
Чомартны къолу берекет.
Къаллай салам берсенг, аллай джууаб алырса.
Къонакъ кёб келюучю юйню, къазаны отдан тюшмез.
Ётюрюкню къуйругъу – бир тутум.
Кюн кёрмеген, кюн кёрсе, кюндюз чыракъ джандырыр.
Ачылгъан эт джабылыр, кёрген кёз унутмаз.
Къралынгы – душмандан, башынгы от бла суудан сакъла.
Джыгъылгъанны сырты джерден тоймаз.
Экеулен сёлеше тура эселе, орталарына барыб кирме.
Насыб бютеу халкъны юлюшюдю.
Джогъун бар этген, барын бал этген.
Хантына кёре тузу, юйюне кёре къызы.
Билеги кючлю, бирни джыгъар, билими кючлю, мингни джыгъар.
Орундукъ тюбюнде атылсам да, орта джиликме, де да айлан.
Махтаннган къыз, тойда джукълар.
Адам къыйынлыгъын кёлтюрюр, зауукълугъун кёлтюрмез.
Аджашханны ызындагъы кёреди, джангылгъанны джанындагъы биледи.
Джырына кёре эжиую.
Таукелге нюр джауар.
Къонакъ аз олтурур, кёб сынар.
Ауузу аманнга «иги», деме.
Аман адам этегингден тутса, кес да къач.
Ойнай билмеген, оюн бузар.
Аш иеси бла татлыды.
Байны къызы баймакъ болса да, юйде къалмаз!
Хар ишни да аллы къыйынды.
Къыйынлы джети элни къайгъысын этер.
Ариу джол аджал келтирмез.
Нафысынгы айтханын этме, намысынгы айтханын эт.
Малны кют, джерни тюрт.
Сабийни джумушха джибер да, ызындан бар.
Ата Джуртуму башы болмасам да, босагъасында ташы болайым.
Ашхы сёз таш тешер.
Ичимден чыкъды хата, къайры барайым сата?

Логин:	Регистрация

Пароль:	Забыли пароль?

Запомнить меня

Аудио

Габаев Тенгиз

Скачать

Скачать

Альбом “Зикирле”

Адрес