Песен: 13 Создан:
06.05.2015 Обновлен:
27.11.2017
| 17 Мая | 2024 года |
Навигация
- Минг тенг да азды, бир джау да кёбдю.
- Оюмсуз атлагъан, аджалсыз ёлюр.
- Юреннген ауруу къалмаз.
- Иги – алгъыш этер, аман – къаргъыш этер.
- Илму – джашауну джолу.
- Гырджын – тепсини тамадасы.
- Ашарыкъда сайлагъаннга – чий гырджын.
- Магъанасыз сёз – тауушсуз сыбызгъы.
- Арпа, будай – ащды, алтын, кюмюш а – ташды.
- Тешигини къатында, чычхан да батыр болур.
- Къартха ушагъан джаш – акъыллы, джашха ушагъан къарт – тели.
- Эки къатын алгъан – эки ташны ортасына башын салгъан.
- Тюз сёз баргъан сууну тыяр.
- Уруну арты – къуру.
- Ариу – кёзге, акъыл – джюрекге.
- Ашын ашагъанынгы, башын да сыйла.
- Адам туугъан джеринде, ит тойгъан джеринде.
- Кесинг сынамагъан затны, адамгъа буюрма.
- Уллу атлама – абынырса, уллу къабма – къарылырса.
- Ариу сёз аурууунгу алыр.
- Джиби бир къат джетмей эди да, эки къат тарта эди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адеб джокъда, намыс джокъ.
- Рысхысына кёре, джаш ёсер, къышлыгъына кёре, мал ёсер.
- Кёпюр салгъан кеси ётер, уру къазгъан кеси кетер.
- Орундукъ тюбюнде атылсам да, орта джиликме, де да айлан.
- Адамны сыфатына къарама, сёзюне къара.
- Бермеген къол, алмайды.
- Байны оноуу, джарлыгъа джарамаз.
- Биреуню къыйынлыгъы бла кесинге джол ишлеме.
- Джангыз торгъай джырламаз.
- Дуния мал дунияда къалады.
- Ёлюк кебинсиз къалмаз.
- Билими азны – ауузунда кирит.
- Джыланны къуйругъундан басарынг келсе, аны башы болгъанын унутма.
- Соргъан айыб тюлдю, билмеген айыбды.
- Телиге акъыл салгъандан эсе, ёлгеннге джан салырса.
- Биреуню тёрюнден, кесинги эшик артынг игиди.
- Джумушакъ терекни къурт ашар.
- Кёб джашагъан – кёб билир.
- Алтыннга тот къонмаз.
- Чоюнну башы ачыкъ болса, итге уят керекди.
- Ашлыкъ – бюртюкден, джюн – тюкден.
- «Ёгюз, джаргъа джууукъ барма, меннге джюк боллукъса», - дегенди эшек.
- Таукелге нюр джауар.
- Бет бетге къараса, бет да джерге къарар.
- Къонакъ аман болса, къонакъбай джунчур
- Тили узунну, намысы – къысха.
- От этилмеген джерден тютюн чыкъмайды.
- Ариу сёз – джаннга азыкъ, аман сёз – башха къазыкъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
