Аудио :: Аудио:: Кабардокова Зухра

Миллетни бойну – базыкъ, аны бла кюрешген – джазыкъ.
Хар ишни да аллы къыйынды.
Чыбыкълыкъда бюгюлмеген, къазыкълыкъда бюгюлмей эди.
Аз сёлеш, кёб ишле.
Къуру гыбыт бек дыгъырдар.
Джыйырма къойну юч джыйырма эбзе кюте эди.
Адам туугъан джеринде, ит тойгъан джеринде.
Рысхы джалгъанды: келген да этер, кетген да этер.
Къонакъ аз олтурур, кёб сынар.
Ургъан суудан башынгы сакъла.
Урама да – ёледи, сатама да – келеди.
Акъыл сабырлыкъ берир.
Байлыкъдан саулукъ ашхыды.
Туз, гырджын аша, тюзлюк бла джаша.
Эл элде бирер малынг болгъандан эсе, бирер тенгинг болсун.
Ата Джуртуму башы болмасам да, босагъасында ташы болайым.
Джаралыны джастыгъында сау ёлюр.
Иесиз малны бёрю ашар.
Къонакъ кёб келюучю юйню, къазаны отдан тюшмез.
Эки итни арасына сюек атма, эки адамны арасында сёз чыгъарма.
Уруну арты – къуру.
Тилде сюек болмаса да, сюек сындырыр.
Иги сёз – джаннга азыкъ, аман сёз башха – къазыкъ.
Битмегеннге сакъал – танг.
Къалгъан ишге къар джауар.
Бети бедерден, намыс сакълама.
Билмегенинги, билгеннге сор.
Джюз элде джюз ёгюзюм болгъандан эсе, джюз джууугъум болсун.
Кёбге таш атма.
Уллу атлама – абынырса, уллу къабма – къарылырса.
Къызны минг тилер, бир алыр.
Билген билмегенни юретген адетди.
Малны кют, джерни тюрт.
Шапа кёб болса, аш татымсыз болур.
Эллинг бла джау болсанг да, юйюнг бла джау болма.
Чабакъсыз кёлге къармакъ салгъанлыкъгъа, чабакъ тутмазса.
Хансыз джомакъ болмаз.
Кийимни бичсенг, кенг бич, тар этген къыйын тюлдю.
Бал – татлы, балдан да бала – татлы.
Ана къолу ачытмаз.
Кёзюнде тереги болгъан, чёбю болгъаннга кюле эди.
Аман адам элни бир-бирине джау этер.
Телиге от эт десенг, юйюнге от салыр.
Къуллукъчума, деб махтанма, къуллукъ – хаух джамчыды!
Этим кетсе да, сюегим къалыр.
Эрни эр этерик да, къара джер этерик да, тиширыуду.
Тойгъанлыкъ къойгъа джарашады.
Аууздан келген, къолдан келсе, ким да патчах болур эди.
Ариу джол аджал келтирмез.
Иги адамны бир сёзю эки болмаз.

Логин:	Регистрация

Пароль:	Забыли пароль?

Запомнить меня

Аудио

Кабардокова Зухра

Скачать

Адрес