группа Салам - Джашлыгъым
Translit
Видеогалерея
- Главная
-
Категории
Translit
Последние комментарии
| 5 Декабря | 2019 года |
Навигация
- Арыгъан къош чамчы болур.
- Тынгылагъан тынгы бузар.
- Ышармагъан – кюлмез, кюлмеген – къууанчны билмез.
- Юйюнг бла джау болгъандан эсе, элинг бла джау бол.
- Кийиминг бла танылма, адамлыкъ бла таныл.
- Къолунгдан къуймакъ ашатсанг да, атаны борчундан къутулмазса.
- Къан бла кирген, джан бла чыгъар.
- Атлыны кёрсе, джаяуну буту талыр.
- Кюн кёрмеген, кюн кёрсе, кюндюз чыракъ джандырыр.
- Аманны тукъумуна къарама, игини тукъумун сорма.
- Чоюнну башы ачыкъ болса, итге уят керекди.
- Тойгъан джерден туугъан джер игиди.
- Джюрек кёзден алгъа кёрюр.
- Ётюрюк хапар аякъ тюбю бла джюрюйдю.
- Юйюнгден чыкъдынг – кюнюнгден чыкъдынг.
- Сёз къанатсыз учар.
- Бал ашаргъа сюе эсенг, чибин ургъаннга тёз.
- Аджашхан тёгерек айланыр.
- Тил джюрекге джол ишлейди.
- Чёбню кёлтюрсенг, тюбюнден сёз чыгъар.
- Ач уят къоймаз.
- Байлыкъ адамны сокъур этер.
- Аш иеси бла татлыды.
- Агъач халкъгъа алтынды, иссиликге салкъынды.
- Тилчиден кери бол.
- Джарашыу сюйген – джалынчакъ.
- Керилген да, ургъан кибикди.
- Тюкюрюк баш джармаз, налат кёз чыгъармаз!
- Билимсиз иш бармаз.
- Аман хансны – урлугъу кёб.
- Кесине гебен этелмеген, биреуге черен эте эди.
- Ашыкъгъанны этеги бутуна чырмалыр.
- Ашхы – джыяр, аман – джояр.
- Акъыллы эркиши атын махтар, акъылсыз эркиши къатынын махтар.
- Ариу сёз – къылычдан джити.
- Ач къалгъандан, кеч къалгъан къолай.
- Билмейме деген – бир сёз
- Аманны къуугъан, аманлыкъ табар.
- Къарны аманнга къазан такъдырма, къолу аманнга от джакъдырма.
- Бети къызарыучу адамны, джюреги харам болмаз.
- Кийимни бир кюнню аясанг, минг кюннге джарар.
- Джашда акъыл джокъ, къартда къарыу джокъ.
- Окъдан джара эртде-кеч болса да бителир, сёз джара, ёмюрге къалыр.
- Дуния мал дунияда къалады.
- Эл бла кёргенинг эрелей.
- Сакъ юйюне сау барыр.
- Айтхан сёзюне табылгъан.
- Кёб ант этген, кёб ётюрюк айтыр.
- Тенгинг джокъ эсе – изле, бар эсе – сакъла!
- Сёлеш деб шай берген, тохта деб, сом берген.
Translit
Фонд содействия развитию карачаево-балкарской молодежи «Эльбрусоид»
© 2003-2019 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
Комментариев нет