- Ач къарынны, токъ билмез
- Элиб деген, элге болушур.
- Тау башында, тау болмаз, джангыз терек, бау болмаз.
- Сууда джау джокъ, кёб сёзде магъана джокъ.
- Асхат ашлыкъ сата, юйдегиси ачдан къата.
- Сангырау къулакъ эл бузар.
- Сакъалы текени да бар, мыйыгъы киштикни да бар.
- Сабий кёргенин унутмаз.
- Къайгъы тюбю – тенгиз.
- Ариу сёз джыланны орнундан чыгъарыр.
- Кёзню ачылгъаны – иги, ауузну джабылгъаны – иги.
- Аджал соруб келмез, келсе, къайтыб кетмез.
- Адеби болмагъан къыз – тузсуз хант.
- Къызны минг тилер, бир алыр.
- Аджалсыз ёлюм болмаз.
- Кесине гебен этелмеген, биреуге черен эте эди.
- Тамчы таш тешер.
- Экеулен сёлеше тура эселе, орталарына барыб кирме.
- Башсыз урчукъ тюзюне айланмаз.
- Адамны артындан къара сабан сюрме.
- Сёз къанатсыз учар.
- Кирсизни – саны таза, халалны – къаны таза.
- Чомарт бергенин айтмаз.
- Джыйырма къойну юч джыйырма эбзе кюте эди.
- Кийим тукъум сордурур.
- Джырчы джырчыгъа – къарнаш.
- Мени джылытмагъан кюн, меннге тиймесин!
- Таула не мийик болсала да, аууш табылыр.
- Тешигини къатында, чычхан да батыр болур.
- Чёбню кёлтюрсенг, тюбюнден сёз чыгъар.
- Башынга джетмегенни сорма.
- Къралынгы – душмандан, башынгы от бла суудан сакъла.
- Чомарт джарлы болмаз.
- Дуния мал дунияда къалады.
- Эл ауузу – элия.
- Шапа кёб болса, аш татымсыз болур.
- Айыбны суу бла джууалмазса.
- Мухардан ач ычхынмаз.
- Арпа, будай – ащды, алтын, кюмюш а – ташды.
- Атынг аманнга чыкъгъандан эсе, джанынг тамагъынгдан чыкъсын.
- Ачылгъан эт джабылыр, кёрген кёз унутмаз.
- Тай асырагъан, атха минер.
- Билим насыб берир, билим джолну керир.
- Ариу сёз аурууунгу алыр.
- Айтхан – тынч, этген – къыйын.
- Къатыны харакетли болса, эри къымсыз болур.
- Тюкюрюк баш джармаз, налат кёз чыгъармаз!
- Онгсузну – джакъла, тенгликни – сакъла.
- Акъылсызны джууукъгъа алма, акъыллыны кенгнге салма.
- Окъумагъан сокъурду, сокъур ташха абыныр!