- Окъумагъан сокъурду, сокъур ташха абыныр!
- Кёкдеги болмаса, джердегин кёрмейди.
- Аман адамны тепсинге олтуртсанг, къызынгы тилер.
- Чабакъгъа акъыл, табагъа тюшсе келеди.
- Намысы джокъну – дуниясы джокъ.
- Оюмсуз атлагъан, аджалсыз ёлюр.
- Тенги кёбню джау алмаз, акъылы кёбню дау алмаз.
- Урунуу – насыбны анасы.
- Акъыл къартда, джашда тюйюлдю – башдады.
- Адам сёзге тынгыла, акъыл сёзню ангыла.
- Бет бетге къараса, бет да джерге къарар.
- Эки элинги тыйсанг, джети элде махталырса.
- Кёлю джокъну – джолу джокъ.
- Тау башында, тау болмаз, джангыз терек, бау болмаз.
- Татлы тилде – сёз ариу, чемер къолда – иш ариу.
- Хар адамгъа кеси миннген тау кибик.
- Ачыкъ джюрекге джол – ачыкъ.
- Таугъа чыгъаллыкъ эсенг, тюзде къалма.
- Къонакъ хазыр болгъанлыкъгъа, къонакъбай хазыр тюлдю.
- Кёзюнде тереги болгъан, чёбю болгъаннга кюле эди.
- Джюрек кёзден алгъа кёрюр.
- Адебни адебсизден юрен.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ауузу бла къуш тута айланады.
- Тура эдим джата, къайдан чыкъды хата?
- Мал ёлсе, сюек къалыр, адам ёлсе, иши къалыр.
- Къар – келтирди, суу – элтди.
- Джылкъыдан – ат чыгъар, тукъумдан – джаш чыгъар.
- Бек анасы джыламаз.
- Ашатыргъа иш – ашхы, ишлетирге аш – ашхы.
- Атынг аманнга чыкъгъандан эсе, джанынг тамагъынгдан чыкъсын.
- Кёзю сокъурдан – къоркъма, кёлю сокъурдан – къоркъ.
- Къыз тиширыу кеси юйюнде да къонакъды.
- Соргъан айыб тюлдю, билмеген айыбды.
- Иши джокъну, сыйы джокъ.
- Хоншуну тауугъу къаз кёрюнюр, келини къыз кёрюнюр.
- Юйюнгден чыкъдынг – кюнюнгден чыкъдынг.
- Терек ауса, отунчу – кёб.
- Ханнга да келеди хариблик.
- Ашлыкъны арба юйге келтирир, чана базаргъа элтир.
- Экиндини кеч къылсанг, чабыб джетер ашхам.
- Аманны къуугъан, аманлыкъ табар.
- Ата – билек, ана – джюрек!
- Нёгер болсанг, тенг бол, тенг болмасанг, кенг бол.
- Эл тойса, тоймагъан, эл къойса, къоймагъан.
- Чакъырылмагъан къонакъ – орунсуз.
- Рысхы – насыбха къор.
- Тюз сёз баргъан сууну тыяр.
- Бал чибинни ургъаны – ачы, балы – татлы.
- Къая джолда джортма, ачыкъ сёзден къоркъма.