- Байдан умут эте, джарлыдан ёгюз багъасы къорады.
- Къарнынг къанлынга кийирир.
- Ата Джуртун танымагъан, атасын да танымаз.
- Адеб базарда сатылмаз.
- Ёгюзню мюйюзлери ауурлукъ этмейдиле.
- Артына баргъанны, къатына барма.
- Хар ишни да аллы къыйынды.
- Къайгъыны сюйген, къайгъы табар.
- Терслик кетер, тюзлюк джетер.
- Чомарт бергенин айтмаз.
- Ойнай билмеген, уруб къачар.
- Сютден ауузу кюйген, суугъа юфгюре эди.
- Къонакъ хазыр болгъанлыкъгъа, къонакъбай хазыр тюлдю.
- Чабакъ башындан чирийди.
- Ариу сёзде ауруу джокъ.
- Тюзлюк тас болмайды.
- Байлыкъ болгъан джерде, тынчлыкъ джокъду.
- Джашлыкъ этмеген, башлыкъ этмез.
- Кёз – сюйген джерде, къол – ауругъан джерде.
- Кёл ашады да, кеси ашады.
- Къызны минг тилер, бир алыр.
- Ашхы адам – халкъ байлыгъы, ашхы джер – джашау байлыгъы.
- Биреу ашаб къутулур, биреу джалаб тутулур.
- Окъуу – билимни ачхычы, окъуу – дунияны бачхычы.
- Хата – гитчеден.
- Ханнга да келеди хариблик.
- Къарны аманнга къазан такъдырма, къолу аманнга от джакъдырма.
- Тилсиз миллет джокъ болур.
- Тойгъа барсанг, тоюб бар, эски тонунгу къоюб бар.
- Сёз сёзню айтдырыр.
- Къуллукъчума, деб махтанма, къуллукъ – хаух джамчыды!
- Окъугъанны бети джарыкъ.
- Хар сёзню орну барды.
- Суу да къайтады чыкъгъан джерине.
- Бюгюн дуния кибик, тамбла ахыратды.
- Джарлыны эшигин махтагъан джабар.
- Аурууну келиую тынч, кетиую – къыйын.
- Ашлыкъны арба юйге келтирир, чана базаргъа элтир.
- Арпа, будай – ащды, алтын, кюмюш а – ташды.
- Къатын байлыкъны сюер, эр саулукъну сюер.
- Юй кюйдю да, кюйюз чыкъды, ортасындан тюйюш чыкъды.
- Аякъларынгы джууургъанынга кёре узат.
- Ишлемеген – тишлемез.
- Джангыз торгъай джырламаз.
- Келлик заман – къартлыкъ келтирир, кетген заман – джашлыкъ ёлтюрюр.
- Къыз тиширыу кеси юйюнде да къонакъды.
- Азыкълы ат арымаз, къатыны аман джарымаз.
- Тас болгъан бычакъны сабы – алтын.
- Джангызны оту джарыкъ джанмаз!
- Ач да бол, токъ да бол – намысынга бек бол.