- Аурууну келиую тынч, кетиую – къыйын.
- Билмезни кёзю кёрмез, этмезни къулагъы эшитмез.
- Окъугъан озар, окъумагъан тозар.
- Къар – келтирди, суу – элтди.
- Сабийни джумушха джибер да, ызындан бар.
- Аманнга да, игиге да оноусуз къатышма.
- Эллинг бла джау болсанг да, юйюнг бла джау болма.
- Ичимден чыкъды хата, къайры барайым сата?
- Аууздан келген, къолдан келсе, ким да патчах болур эди.
- Керилген да, ургъан кибикди.
- Келлик заман – къартлыкъ келтирир, кетген заман – джашлыкъ ёлтюрюр.
- Къызгъанчдан ычхыныр, мухардан ычхынмаз.
- Байлыкъ келсе, акъыл кетер.
- Бет бетге къараса, бет да джерге къарар.
- Босагъагъа джууукъ орун болса, ашыгъыб тёрге озма.
- Эртде тургъан джылкъычыны эркек аты тай табар.
- Къанны къан бла джуума, аманны аман бла къуума.
- Ёгюзню мюйюзюнден тутадыла, адамны сёзюнден тутадыла.
- Джылар джаш, атасыны сакъалы бла ойнар.
- Ата – баланы уясы.
- Ариу сёз джыланны орнундан чыгъарыр.
- Эри аманны, къатыны – аман.
- Ачлыкъда тары гырджын халыуадан татлы.
- Байны оноуу, джарлыгъа джарамаз.
- Ана къойну – балагъа джандет.
- Чабакъ башындан чирийди.
- Джол бла сёзню къыйыры джокъ.
- Тёрдеги кюлсе, эшикдеги ышарыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эли джокъну – кёлю джокъ.
- Ётюрюкчюню шагъаты – къатында.
- Намысы болмагъанны, сыйы болмаз.
- Ариу – кёзге, акъыл – джюрекге.
- Ишге юренсин къоллары, халкъ бла болсун джоллары.
- Нёгерсизни джолу узун.
- Термилгенинги табмазса, кюлгенинге тюберсе.
- Эринчекни аурууу – кёб.
- Къуру гыбыт бек дыгъырдар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къыз тиширыу кеси юйюнде да къонакъды.
- Тойгъан антын унутур.
- Тюзню ётмеги тюзде къалса да, тас болмаз.
- Биреу къой излей, биреу той излей.
- Биреуге кёлтюрген таягъынг, кесинги башынга урур.
- Акъыллы эркиши атын махтар, акъылсыз эркиши къатынын махтар.
- Тулпарлыкъ, билекден тюл – джюрекден.
- Сёз сёзню айтдырыр.
- Эр сокъур болсун, къатын тилсиз болсун.
- Юйлю уругъа ит чабмаз.
- «Ма», - дегенни билмесенг, «бер», - дегенни билмезсе.