Эльбрусоид :: Эльбрусоид

Эли джокъну – кёлю джокъ.
Къартны сыйын кёрмеген, къартлыгъында сыйлы болмаз.
Таукел тауну аудурур.
Уллу сёлешме да, уллу къаб.
Акъылсызны джууукъгъа алма, акъыллыны кенгнге салма.
Адеб базарда сатылмаз.
Къумурсхала джыйылсала, пилни да джыгъадыла.
Джаралыны джастыгъында сау ёлюр.
Къарт бла баш аша, джаш бла аякъ аша.
Босагъа таш юйге кирмей эди, тыбыр таш эшикге чыкъмай эди.
Биреуню къыйынлыгъы бла кесинге джол ишлеме.
Бермеген къол, алмайды.
Чалманны аллы къалай башланса, арты да алай барады.
Уллу айтханны этмеген – уллаймаз.
Адам къыйынлыгъын кёлтюрюр, зауукълугъун кёлтюрмез.
Зарда марда джокъ.
Кёрмегеннге кебек – танг, битмегеннге сакъал – танг.
Ариу сёз – джаннга азыкъ, аман сёз – башха къазыкъ.
Ёзденликни джайгъан – джокълукъ.
Адамны артындан къара сабан сюрме.
Ишни ахырын ойламай, аллын башлама.
Ёксюзню къалачы уллу кёрюнюр.
Элде адам къалмаса, ит тахтагъа минер.
Эрине къаргъыш этген къатын, эрнин къабар.
Хатерли къул болур.
Ашхылыкъ джерде джатмайды, аманлыкъ суугъа батмайды.
Ёмюрлюк шохлукъну джел элтмез.
Билим къая тешер.
Адеб джокъда, намыс джокъ.
Аллахха ийнаннган кишини, Аллах онгдурур ишин.
Битмегеннге сакъал – танг.
Джарашыу сюйген – джалынчакъ.
Къыз келсе, джумуш эте келеди, къатын келсе, ушакъ эте келеди.
Чомарт къонакъ юй иесин сыйлар.
Ишленмеген джаш – джюгенсиз ат, ишленмеген къыз – тузсуз хант.
Ата Джуртуму башы болмасам да, босагъасында ташы болайым.
Башы джабылгъан челекге, кир тюшмез.
Бозаны арты дауур болур.
Орундукъ тюбюнде атылсам да, орта джиликме, де да айлан.
Эркиши – от, тиширыу – суу.
Атадан ёксюз – бир ёксюз, анадан ёксюз – эки ёксюз.
Бастасын ашагъан, хантусун да ичер.
Башынга джетмегенни сорма.
Джыгъылгъанны сырты джерден тоймаз.
Юреннген ауруу къалмаз.
Сютню башын джалагъан къутулур, тюбюн ичген тутулур.
Къарнынг къанлынга кийирир.
Кёб джашагъан – кёб билир.
Атынг аманнга чыкъгъандан эсе, джанынг тамагъынгдан чыкъсын.
Хоншуну тауугъу къаз кёрюнюр, келини къыз кёрюнюр.