Эльбрусоид :: Эльбрусоид

Элде адам къалмаса, ит тахтагъа минер.
Адамны артындан къара сабан сюрме.
Арыгъан къош чамчы болур.
Аманнга игилик этсенг, юйюнге сау бармазса.
Джарлыны эшигин махтагъан джабар.
Шекер бла туз – бир болмаз, ушамагъан – юй болмаз.
Джылыгъа джылан илешир.
Аллахдан тилесенг, кёб тиле.
Иги сёз – джаннга азыкъ, аман сёз башха – къазыкъ.
Нёгерсизни джолу узун.
Ким бла джюрюсенг, аны кёзю бла кёрюнюрсе.
Тилсиз миллет джокъ болур.
Ойнаб айтсанг да, эслеб айт.
От кюйдюрген, сау болса да, тот кюйдюрген, сау болмаз.
Халкъны юйю – туугъан джери.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джашны джигитлиги сорулур, къызны джигерлиги сорулур.
Харам къарнашдан, халал тенг ашхы.
Башы ишлегенни, ауузу да ишлер.
Адеб этмеген, адеб кёрмез.
Мен да «сен», дейме, сен да «кесим», дейсе.
Азыгъы аз, алгъа къабар, аты аман, алгъа чабар.
Эртде тургъан бла эртде юйленнген сокъуранмаз.
Шайтан алдады, тюзлюк къаргъады.
Къоркъакъны кёзю экили кёрюр.
Тенгинг джокъ эсе – изле, бар эсе – сакъла!
Кесинг сынамагъан затны, адамгъа буюрма.
Байма, деб да, къууанма, джарлыма, деб да, джылама.
Аман адам этегингден тутса, кес да къач.
Кесине гебен этелмеген, биреуге черен эте эди.
Ёпкелегенни ашы татлы болады.
Таш бла ургъанны, аш бла ур.
Адамны адамлыгъы къыйынлыкъда айгъакъланады.
Джауумдан сора, кюн кюйдюрюр, ётюрюкден сора, айыб кюйдюрюр.
Чомартны къолун джокълукъ байлар.
Тура эдим джата, къайдан чыкъды хата?
Аджашханны ызындагъы кёреди, джангылгъанны джанындагъы биледи.
Хар зат кесини орнуна иги.
Уллу къазанда бишген эт, чий къалмаз.
Соргъан айыб тюлдю, билмеген айыбды.
Суу кетер, таш къалыр.
Элни кючю – эмеген.
Баланы адам этген анады.
Юйюнг бла джау болгъандан эсе, элинг бла джау бол.
Кёз – сюйген джерде, къол – ауругъан джерде.
Душманны тышы – акъ, ичи – къара.
Тил джюрекге джол ишлейди.
Билим ат болуб да чабар, къуш болуб да учар.
Уллу къашыкъ эрин джыртар.
Къартны сыйын кёрмеген, къартлыгъында сыйлы болмаз.