- Юйюнг бла джау болгъандан эсе, элинг бла джау бол.
- Экеулен сёлеше тура эселе, орталарына барыб кирме.
- Ачыу алгъа келсе, акъыл артха къалады.
- Ашын ашагъанынгы, башын да сыйла.
- Адеб базарда сатылмаз.
- Юй кюйдю да, кюйюз чыкъды, ортасындан тюйюш чыкъды.
- Окъугъан – асыу, окъумагъан – джарсыу.
- Экеу тутушса, биреу джыгъылыр.
- Хар сёзню орну барды.
- Кюн кёрмеген, кюн кёрсе, кюндюз чыракъ джандырыр.
- Джарашыу сюйген – джалынчакъ.
- Аджалсыз ёлюм болмаз.
- Атлыны кёрсе, джаяуну буту талыр.
- Чомарт къолда мал къалмаз.
- Сабий болмагъан джерде, мёлек болмаз.
- Эл тойса, тоймагъан, эл къойса, къоймагъан.
- Къонакъ кёб келюучю юйню, къазаны отдан тюшмез.
- Къууут – джелге, берне – бошха.
- Эринчекге кюн узун.
- Кенгеш болса, уруш болмаз.
- Татлы тилде – сёз ариу, чемер къолда – иш ариу.
- Ач къарным, тынч къулагъым.
- Нёгерсизни джолу узун.
- Джыйырма къойну юч джыйырма эбзе кюте эди.
- Бал – татлы, балдан да бала – татлы.
- Халкъгъа джарагъан, джарлы къалмаз.
- Ата Джуртуму башы болмасам да, босагъасында ташы болайым.
- Билимсиз иш бармаз.
- Малны кют, джерни тюрт.
- Окъуу – билимни ачхычы, окъуу – дунияны бачхычы.
- Суугъа – чабакъ, къаягъа – ыргъакъ.
- Таугъа чыгъаллыкъ эсенг, тюзде къалма.
- От этилмеген джерден тютюн чыкъмайды.
- Ариу джол аджал келтирмез.
- Биреу къой излей, биреу той излей.
- Сормай – алма, чакъырылмай – барма.
- Тойгъан джерден туугъан джер игиди.
- Душманны тышы – акъ, ичи – къара.
- Къартны сыйын кёрмеген, къартлыгъында сыйлы болмаз.
- Джигер – джаннга къыйынлыкъ.
- Юреннген ауруу къалмаз.
- Тили узунну, намысы – къысха.
- Джан саулукъ бермей, сан саулукъ бермезсе.
- Джиби бир къат джетмей эди да, эки къат тарта эди.
- Джаралыны джастыгъында сау ёлюр.
- Огъурлуну сёзю – суу, огъурсузну сёзю – уу.
- Аджаллыгъа окъсуз шкок атылыр.
- Джаш болсун, къыз болсун, акъылы, саны тюз болсун.
- Аманны тукъумуна къарама, игини тукъумун сорма.
- Игилик игилик бла сингдирилиучю затды.