- Тыш элде солтан болгъандан эсе, кесинги элде олтан болгъан игиди!
- Ишлемеген – тишлемез.
- Ата – баланы уясы.
- Башы джабылгъан челекге, кир тюшмез.
- Тамчы таш тешер.
- Ачыкъ джюрекге джол – ачыкъ.
- Тенгинг джокъ эсе – изле, бар эсе – сакъла!
- Чомартны къолун джокълукъ байлар.
- Кёбден умут этиб, аздан къуру къалма.
- Биреуге кёлтюрген таягъынг, кесинги башынга урур.
- Юй кюйдю да, кюйюз чыкъды, ортасындан тюйюш чыкъды.
- Иги – алгъыш этер, аман – къаргъыш этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Къарнынг ауруса, ауузунгу тый
- Керек ташны ауурлугъу джокъ.
- Чомартны къолу берекет.
- Кёлю джокъну – джолу джокъ.
- Ачыу алгъа келсе, акъыл артха къалады.
- Ишге юренсин къоллары, халкъ бла болсун джоллары.
- Бети бедерден, намыс сакълама.
- Эли джокъну – кёлю джокъ.
- Бетинги сатма, малынгы сат.
- Джолунга кёре – джюрюшюнг, джагъанга кёре – юлюшюнг.
- Атлыны кёрсе, джаяуну буту талыр.
- Къарын къуру болса, джюрек уру болур.
- Аллахдан тилесенг, кёб тиле.
- Ургъан суудан башынгы сакъла.
- Алим болгъандан эсе, адам болгъан къыйынды.
- Ата джурт – алтын бешик.
- Чабакъ башындан чирийди.
- Суу ичген шауданынга тюкюрме.
- Адам туугъан джеринде, ит тойгъан джеринде.
- Урама да – ёледи, сатама да – келеди.
- Билеги кючлю, бирни джыгъар, билими кючлю, мингни джыгъар.
- Ёлмесенг да, къарт дамы болмазса?
- Джаханимни кёрмей, джандетге кёл салмазса.
- Элде адам къалмаса, ит тахтагъа минер.
- Башланнган иш битер, къымылдагъан тиш тюшер.
- Aдам боллукъ, сыфатындан белгили.
- Кёб джат да, бек чаб.
- Биреуню къыйынлыгъы бла кесинге джол ишлеме.
- Чакъырылмагъан къонакъ – орунсуз.
- Келлик заман – къартлыкъ келтирир, кетген заман – джашлыкъ ёлтюрюр.
- Чакъырылгъанны аты, чакъырылмагъанны багъасы болур.
- Ашын ашагъанынгы, башын да сыйла.
- Биреуню эскиси биреуге джангы болмайды.
- Окъуусуз билим – джокъ, билимсиз кюнюнг – джокъ.
- Ёзденликни джайгъан – джокълукъ.
- Къарны аманнга къазан такъдырма, къолу аманнга от джакъдырма.
- Ашхы атаны – джашы ашхы, ашхы ананы – къызы ашхы.
temirilleni.a
|