- Айран ичген – къутулду, джугъусун джалагъан – тутулду.
- Къулакъдан эсе, кёзге ышан.
- Рысхы джалгъанды: келген да этер, кетген да этер.
- Джогъун бар этген, барын бал этген.
- Узун джолну барсанг, бюгюн келирсе, къысха джолну барсанг, тамбла келирсе.
- Джаш болсун, къыз болсун, акъылы, саны тюз болсун.
- Ётюрюкню башын керти кесер.
- Босагъа таш юйге кирмей эди, тыбыр таш эшикге чыкъмай эди.
- Тил – кесген бычакъ, сёз – атылгъан окъ.
- Айтхан – тынч, этген – къыйын.
- Байлыкъ адамны сокъур этер.
- Уллу суу бла уллу ауруудан башынгы сакъла.
- Хунаны тюбюн къазсанг, юсюнге ауар.
- Хазыр ашха – терен къашыкъ.
- Алим болгъандан эсе, адам болгъан къыйынды.
- Баш болса, бёрк табылыр.
- Къралынгы – душмандан, башынгы от бла суудан сакъла.
- Къыз келсе, джумуш эте келеди, къатын келсе, ушакъ эте келеди.
- Ата джурт – алтын бешик.
- Джигер – джаннга къыйынлыкъ.
- Ёгюзню мюйюзюнден тутадыла, адамны сёзюнден тутадыла.
- Айтылгъан буйрукъ, сёгюлмез
- Кюл тюбюндеги от кёрюнмейди.
- Эки къатын алгъан – эки ташны ортасына башын салгъан.
- Кёб джашагъан – кёб билир.
- Биреуге аманлыкъны тилеме да, кесинге ашхылыкъны тиле.
- Эртде тургъан бла эртде юйленнген сокъуранмаз.
- Аш иеси бла татлыды.
- Насыблы элин сюер, насыбсыз кесин сюер.
- Джиби бир къат джетмей эди да, эки къат тарта эди.
- Тура эдим джата, къайдан чыкъды хата?
- Эм уллу байлыкъ – джан саулукъ.
- Джарлыны эшигин махтагъан джабар.
- Билимли ёлмез, билимсиз кёрмез.
- Джашда акъыл джокъ, къартда къарыу джокъ.
- Къарнынг къанлынга кийирир.
- Халкъны юйю – туугъан джери.
- Огъурлуну сёзю – суу, огъурсузну сёзю – уу.
- Къартны сыйын кёрмеген, къартлыгъында сыйлы болмаз.
- Тойну къарнашы – харс, джырны къарнашы – эжиу.
- Ёксюзню къалачы уллу кёрюнюр.
- Ёпкелегенни ашы татлы болады.
- Ачлыкъ отха секиртир.
- Чабакъсыз кёлге къармакъ салгъанлыкъгъа, чабакъ тутмазса.
- Ишлегенде эринме, ишде чолакъ кёрюнме.
- Къарт айтханны этмеген, къартаймаз.
- Алгъанда – джууукъ, бергенде – джау.
- Гугурук къычырмаса да, тангны атары къалмаз.
- Тёгюлген тюгел джыйылмайды.
- Къанны къан бла джуума, аманны аман бла къуума.