Эльбрусоид :: Эльбрусоид

Уллу суу бла уллу ауруудан башынгы сакъла.
Адеб этмеген, адеб кёрмез.
Чабакъсыз кёлге къармакъ салгъанлыкъгъа, чабакъ тутмазса.
Къарны аманнга къазан такъдырма, къолу аманнга от джакъдырма.
Ауурну тюбю бла, дженгилни башы бла джюрюген.
Сютню башын джалагъан къутулур, тюбюн ичген тутулур.
Эркишиге тары кебек танг кёрюнюр.
Керек ташны ауурлугъу джокъ.
Ашыкъгъан cуу, тенгизге джетмез.
Юре билмеген ит, къонакъ келтирир.
Ачыу алгъа келсе, акъыл артха къалады.
Джаш болсун, къыз болсун, акъылы, саны тюз болсун.
Билмезни кёзю кёрмез, этмезни къулагъы эшитмез.
Ёгюзню мюйюзлери ауурлукъ этмейдиле.
Къайтырыкъ эшигинги, къаты уруб чыкъма.
Джаным-тиним – окъуу, билим.
Ушамагъан – джукъмаз.
Алтыннга тот къонмаз.
Баргъанынга кёре болур келгенинг.
Кесинге джетмегенни, кёб сёлешме.
Джюрекден джюрекге джол барды.
Аман хансны – урлугъу кёб.
Агъач – джерни чырайы, кийим – эрни чырайы.
Телиге от эт десенг, юйюнге от салыр.
Бал – татлы, балдан да бала – татлы.
Эли джокъну – кёлю джокъ.
Кесине гебен этелмеген, биреуге черен эте эди.
Кёзню ачылгъаны – иги, ауузну джабылгъаны – иги.
Бозаны арты дауур болур.
Кёбню кёрген – кёб билир.
Келинни – келгинчи, бёркню кийгинчи кёр.
Тил – кесген бычакъ, сёз – атылгъан окъ.
Элге къуллукъ этмеген, элге ие болмаз.
Ойнай билмеген, оюн бузар.
Игини сыйлагъан адетди.
Чомартха Тейри да борчлуду.
Адамны сыфатына къарама, сёзюне къара.
Тюзлюк шохлукъну бегитир.
Айырылгъанланы айю ашар, бёлюннгенлени бёрю ашар.
Эки къатын алгъан – эки ташны ортасына башын салгъан.
Ашхы болсанг, атынг чыгъар, аман болсанг, джанынг чыгъар.
Бир абыннган – минг сюрюнюр.
Тешигини къатында, чычхан да батыр болур.
Джангызны оту джарыкъ джанмаз!
Билим ат болуб да чабар, къуш болуб да учар.
Кёл – къызбай, къол – батыр.
Харам къарнашдан, халал тенг ашхы.
Сёз къанатсыз учар.
Эрни эр этерик да, къара джер этерик да, тиширыуду.
Ач къарным, тынч къулагъым.