- Адамны аты башхача, акъылы да башхады.
- Эл бла кёргенинг эрелей.
- Гырджын – тепсини тамадасы.
- Ашхы – джыяр, аман – джояр.
- Башы джабылгъан челекге, кир тюшмез.
- Джюрекге ариу – кёзге да ариу.
- Ауузу аманнга «иги», деме.
- Бети бедерден, намыс сакълама.
- Ётюрюкню къуйругъу – бир тутум.
- Зарда марда джокъ.
- Нёгер болсанг, тенг бол, тенг болмасанг, кенг бол.
- Бёрю да ач къалмасын, эчки да ашалмасын.
- Гугук кесини атын айтыб къычыргъанча, мен, мен деб нек тураса?
- Аман къатын сабий табса, бий болур…
- Тура эдим джата, къайдан чыкъды хата?
- Къартны сыйын кёрмеген, къартлыгъында сыйлы болмаз.
- Ашда уялгъан – мухар, ишде уялгъан – хомух.
- Къарнынг къанлынга кийирир.
- Къар – келтирди, суу – элтди.
- Ётюрюкню башын керти кесер.
- Ариу сёз аурууунгу алыр.
- Атлыны кёрсе, джаяуну буту талыр.
- Тойну къарнашы – харс, джырны къарнашы – эжиу.
- Уруну арты – къуру.
- Рысхысына кёре, джаш ёсер, къышлыгъына кёре, мал ёсер.
- Ётюрюкден тюбю джокъ, кёлтюрюрге джиби джокъ.
- Чарсда алчыны эл кёреди.
- Ариу джол аджал келтирмез.
- Адеб базарда сатылмаз.
- Адам сёзге тынгыла, акъыл сёзню ангыла.
- Чалманны аллы къалай башланса, арты да алай барады.
- Босагъагъа джууукъ орун болса, ашыгъыб тёрге озма.
- Нарт сёз къарт болмаз.
- Джигер – джаннга къыйынлыкъ.
- Къатын байлыкъны сюер, эр саулукъну сюер.
- Тюзню ётмеги тюзде къалса да, тас болмаз.
- Ашарыкъда сайлагъаннга – чий гырджын.
- Ишлегенден, къарагъан уста.
- Чёбню кёлтюрсенг, тюбюнден сёз чыгъар.
- Ургъан суудан башынгы сакъла.
- Иги сеники эсе да, сюйген кесимикин этеме.
- Тил бла келеди джыр да.
- Аууз сакълагъан – джан сакълар.
- Аллахдан тилесенг, кёб тиле.
- Баш – акъыл ючюн, акъылман – халкъ ючюн.
- Джахил болса анасы, не билликди баласы?
- Тёрде – темир таякълы, къаяда – чыпчыкъ аякълы.
- Эртде тургъан джылкъычыны эркек аты тай табар.
- Кёзю сокъурдан – къоркъма, кёлю сокъурдан – къоркъ.
- Тенги кёбню джау алмаз, акъылы кёбню дау алмаз.