- Юйюнг бла джау болгъандан эсе, элинг бла джау бол.
- Джиби бир къат джетмей эди да, эки къат тарта эди.
- Аджалсыз ёлюм болмаз.
- Ата Джуртча джер болмаз, туугъан элча эл болмаз.
- Кюл тюбюндеги от кёрюнмейди.
- Чарсда алчыны эл кёреди.
- Тулпарлыкъ, билекден тюл – джюрекден.
- Сакъалы текени да бар, мыйыгъы киштикни да бар.
- Юйюнгден чыкъдынг – кюнюнгден чыкъдынг.
- Айырылгъанланы айю ашар, бёлюннгенлени бёрю ашар.
- Джерни букъусу кёкге къонмаз.
- Ишлегенде эринме, ишде чолакъ кёрюнме.
- Билим насыб берир, билим джолну керир.
- Алгъанда – джууукъ, бергенде – джау.
- Окъугъанны бети джарыкъ.
- Мухардан ач ычхынмаз.
- Бети къызарыучу адамны, джюреги харам болмаз.
- Суу кетер, таш къалыр.
- Ариу сёз джыланны орнундан чыгъарыр.
- Сабий кёргенин унутмаз.
- Ариу сёз – джаннга азыкъ, аман сёз – башха къазыкъ.
- Къартха ушагъан джаш – акъыллы, джашха ушагъан къарт – тели.
- Тёрде – темир таякълы, къаяда – чыпчыкъ аякълы.
- Тилчи бир сагъатха айлыкъ хата этер.
- Акъыл бла адеб эгизледиле.
- Сабийни джумушха джибер да, ызындан бар.
- Чакъырылмагъан къонакъ тёрге атламаз.
- Билимден уллу байлыкъ джокъду.
- Тил бла келеди джыр да.
- Дуния малгъа сатылма, кесингден телиге къатылма.
- Кёзню ачылгъаны – иги, ауузну джабылгъаны – иги.
- Хар сёзню орну барды.
- Ашына кёре табагъы, балына кёре къалагъы.
- Тойгъа алгъа да барма, тойда артха да къалма.
- От этилмеген джерден тютюн чыкъмайды.
- Кесине гебен этелмеген, биреуге черен эте эди.
- Ариу сёзде ауруу джокъ.
- Ачыкъ джюрекге джол – ачыкъ.
- Сескекли кесин билдирир.
- Къарнынг къанлынга кийирир.
- Суу ичген шауданынга тюкюрме.
- «Ма», - дегенни билмесенг, «бер», - дегенни билмезсе.
- Ауругъанны сау билмез, ач къарынны токъ билмез.
- Билгенни къолу къарны джандырыр.
- Эки къатын алгъанны къулагъы тынгнгаймаз.
- Къартны сыйын кёрмеген, къартлыгъында сыйлы болмаз.
- Билимсиз иш бармаз.
- Таш ата билмеген, башына урур.
- Чакъырылгъанны аты, чакъырылмагъанны багъасы болур.
- Чабар ат – джетген къыз.