- Ёнгкюч къууана барыр, джылай келир.
- Терек ауса, отунчу – кёб.
- Билеги кючлю, бирни джыгъар, билими кючлю, мингни джыгъар.
- Айтхан – тынч, этген – къыйын.
- Ата – баланы уясы.
- Баргъанынга кёре болур келгенинг.
- Ариу сёзде ауруу джокъ.
- Айран тёгюлсе, джугъусу къалыр.
- Ашхы тенг джолгъа салыр, аман тенг джолдан тайдырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Ач къарынны, токъ билмез
- Ариуну – ауруу кёб.
- Кийимни бичсенг, кенг бич, тар этген къыйын тюлдю.
- Къар – келтирди, суу – элтди.
- Ач, тоймам, дейди, тойгъан, ач болмам, дейди.
- Кюн кёрмеген, кюн кёрсе, кюндюз чыракъ джандырыр.
- Кёпюр салгъан кеси ётер, уру къазгъан кеси кетер.
- Мадар болса, къадар болур.
- Иги адамны бир сёзю эки болмаз.
- Эр сокъур болсун, къатын тилсиз болсун.
- Эллинг бла джау болсанг да, юйюнг бла джау болма.
- Хар адамгъа кеси миннген тау кибик.
- Эркишини аманы тиширыуну джылатыр.
- Кёбню кёрген – кёб билир.
- Къолу уллу – асыу, аягъы уллу – джарсыу.
- Сютню башын джалагъан къутулур, тюбюн ичген тутулур.
- Арыгъан къош чамчы болур.
- Чакъырылгъанны аты, чакъырылмагъанны багъасы болур.
- Джюрекден джюрекге джол барды.
- Аурууну келиую тынч, кетиую – къыйын.
- Магъанасыз сёз – тауушсуз сыбызгъы.
- Эли джокъну – кёлю джокъ.
- Эл ауузу – элек, анга ийнаннган – халек.
- Башда акъыл болмаса, эки аякъгъа кюч джетер.
- Джолда аягъынга сакъ бол, ушакъда тилинге сакъ бол.
- Ач да бол, токъ да бол – намысынга бек бол.
- Татлы тилде – сёз ариу, чемер къолда – иш ариу.
- Байлыкъ болгъан джерде, тынчлыкъ джокъду.
- Хар сёзню орну барды.
- Арпа, будай – ащды, алтын, кюмюш а – ташды.
- Ёлюр джаннга, ёкюл джокъ.
- Тас болгъан бычакъны сабы – алтын.
- Башы ишлегенни, ауузу да ишлер.
- Аш берме да, къаш бер.
- «Ма», - дегенни билмесенг, «бер», - дегенни билмезсе.
- Зарда марда джокъ.
- Къулакъдан эсе, кёзге ышан.
- Сууда джау джокъ, кёб сёзде магъана джокъ.
- Ашын ашагъанынгы, башын да сыйла.
- Джырчы джырчыгъа – къарнаш.
cherry
|