- Кюлме джашха – келир башха.
- Суу да къайтады чыкъгъан джерине.
- Баш – акъыл ючюн, акъылман – халкъ ючюн.
- Джашынгы кесинг юретмесенг, джашау юретир.
- Татлы тилде – сёз ариу, чемер къолда – иш ариу.
- Окъугъан – асыу, окъумагъан – джарсыу.
- Къобан да къуру да къобханлай турмайды, адам да къуру да патчахлай турмайды.
- Халкъгъа джарагъан, джарлы къалмаз.
- Асхат ашлыкъ сата, юйдегиси ачдан къата.
- Дуния малгъа сатылма, кесингден телиге къатылма.
- Кёлю джокъну – джолу джокъ.
- Джахил болса анасы, не билликди баласы?
- Бастасын ашагъан, хантусун да ичер.
- Дууулдаса – бал чибин, къонса – къара чибин.
- Къарны аманнга къазан такъдырма, къолу аманнга от джакъдырма.
- Тёрде – темир таякълы, къаяда – чыпчыкъ аякълы.
- Байдан умут эте, джарлыдан ёгюз багъасы къорады.
- Ач – эснер, ат – кишнер.
- Чакъырылгъанны аты, чакъырылмагъанны багъасы болур.
- Джашны джигитлиги сорулур, къызны джигерлиги сорулур.
- Сютню башын джалагъан къутулур, тюбюн ичген тутулур.
- Халкъны юйю – туугъан джери.
- Ашхы болсанг, атынг чыгъар, аман болсанг, джанынг чыгъар.
- Юйюнг бла джау болгъандан эсе, элинг бла джау бол.
- Билеги кючлю, бирни джыгъар, билими кючлю, мингни джыгъар.
- Аманны къуугъан, аманлыкъ табар.
- Этек чакъмакълары баш джаргъан, сёлешген сёзлери таш джаргъан.
- Ашлыкъ – бюртюкден, джюн – тюкден.
- Къарнынг бла ёч алма.
- Гугук кесини атын айтыб къычыргъанча, мен, мен деб нек тураса?
- Гитче джилтин уллу элни джандырыр.
- Чакъырылмагъан къонакъ къачан кетерин сормаз.
- Акъыллы – эл иеси, тели – эл баласы.
- Нафысынгы айтханын этме, намысынгы айтханын эт.
- Билимден уллу байлыкъ джокъду.
- Ёнгкюч къууана барыр, джылай келир.
- Джашлыкъ этмеген, башлыкъ этмез.
- Адам боллукъ, атламындан белгили болур.
- Тойгъанлыкъ къойгъа джарашады.
- От кюйдюрген, сау болса да, тот кюйдюрген, сау болмаз.
- Мураты болгъанны джюрек тебюую башхады.
- Билмезни кёзю кёрмез, этмезни къулагъы эшитмез.
- Таукелге нюр джауар.
- Билимли ёлмез, билимсиз кёрмез.
- Душманны тышы – акъ, ичи – къара.
- Атынг аманнга чыкъгъандан эсе, джанынг тамагъынгдан чыкъсын.
- Бюгюн дуния кибик, тамбла ахыратды.
- Ёксюзню тилеги къабыл болур.
- Кийиминг бла танылма, адамлыкъ бла таныл.
- Сибиртки да сыйлы болду, кюрек да кюнлю болду.