- Этни бети бла шорпасы.
- Махтаннган къыз, тойда джукълар.
- Баланы адам этген анады.
- Ёксюзню къалачы уллу кёрюнюр.
- Айран ичген – къутулду, джугъусун джалагъан – тутулду.
- Хазыр ашха – терен къашыкъ.
- Экиндини кеч къылсанг, чабыб джетер ашхам.
- Джаш къарыу бла кючлю, къарт акъыл бла кючлю.
- Акъдан къара болмаз.
- Адам туугъан джеринде, ит тойгъан джеринде.
- Кёзден кетген, кёлден да кетеди.
- Иги адам абынса да, джангылмаз.
- Акъыл аздырмаз, билим тоздурмаз.
- Аман къатын алгъан, арыр, иги къатын алгъан джарыр.
- Терслик кетер, тюзлюк джетер.
- Аллахха ийнаннган кишини, Аллах онгдурур ишин.
- Ёзденликни кёбю ётюрюк.
- Къуру гыбыт бек дыгъырдар.
- Ёлюк кебинсиз къалмаз.
- Ата – баланы уясы.
- Джюз элде джюз ёгюзюм болгъандан эсе, джюз джууугъум болсун.
- Биреуню тёрюнден, кесинги эшик артынг игиди.
- Адамны бетине къарама, адетине къара.
- Акъыл неден да кючлюдю.
- Киштикге къанат битсе, чыпчыкъ къалмаз эди.
- Джюрек кёзден алгъа кёрюр.
- Чоюнну башы ачыкъ болса, итге уят керекди.
- Тели турса – той бузар.
- Чакъырылмагъан джерге барма, чакъырылгъан джерден къалма.
- Ишин билген, аны сыйын чыгъарады.
- Бетинги сатма, малынгы сат.
- Чомартха Тейри да борчлуду.
- Сангырау къулакъ эл бузар.
- Суугъа – таянма, джаугъа – ийнанма.
- Соргъан айыб тюлдю, билмеген айыбды.
- Сыфатында болмагъаны, суратында болмаз.
- Нёгер болсанг, тенг бол, тенг болмасанг, кенг бол.
- Къонакъ хазыр болгъанлыкъгъа, къонакъбай хазыр тюлдю.
- Мухардан ач ычхынмаз.
- Акъылсызны джууукъгъа алма, акъыллыны кенгнге салма.
- Акъыл бла адеб эгизледиле.
- Джылкъыдан – ат чыгъар, тукъумдан – джаш чыгъар.
- Нарт сёз – тилни бети.
- Къар – келтирди, суу – элтди.
- Абынмазлыкъ аякъ джокъ, джангылмазлыкъ джаякъ джокъ.
- Къонакъны къачан кетерин сорма, къачан келлигин сор.
- Ач отунчуну ачыуу – бурнунда.
- Ашлыкъ – бюртюкден, джюн – тюкден.
- Къонакъ кёб келюучю юйню, къазаны отдан тюшмез.
- Ишни аллы бла къууанма да, арты бла къууан.