Эльбрусоид :: Эльбрусоид

Аманны эки битли тону болур, бирин сеннге кийдирир, бирин кеси киер.
Ашхы болсанг, атынг чыгъар, аман болсанг, джанынг чыгъар.
Тюзлюк шохлукъну бегитир.
Атлыны кёрсе, джаяуну буту талыр.
Къарны аманнга къазан такъдырма, къолу аманнга от джакъдырма.
Нёгерсизни джолу узун.
Эшекни не къадар тюйсенг да, ат болмаз.
Халкъгъа джарагъан, джарлы къалмаз.
Джетген къыз джерли эшекни танымаз.
Дууулдаса – бал чибин, къонса – къара чибин.
Кийимни бир кюнню аясанг, минг кюннге джарар.
Ашхылыкъ джерде джатмайды, аманлыкъ суугъа батмайды.
Юйюнг бла джау болгъандан эсе, элинг бла джау бол.
Урунуу – насыбны анасы.
Къазанда болса, чолпугъа чыгъар.
Къатын байлыкъны сюер, эр саулукъну сюер.
Къарыусузгъа кюлме, онгсузгъа тийме.
Къалгъан ишге къар джауар.
Эр сокъур болсун, къатын тилсиз болсун.
Адамны аманы адамны бети бла ойнар.
Чыбыкълыкъда бюгюлмеген, къазыкълыкъда бюгюлмей эди.
Суу кетер, таш къалыр.
Адамны сабийин сюйген джюреги, бычакъча, джитиди.
Аджаллыгъа окъсуз шкок атылыр.
Ашда – бёрю, ишде – ёлю.
Чабакъгъа акъыл, табагъа тюшсе келеди.
Узун джолну барсанг, бюгюн келирсе, къысха джолну барсанг, тамбла келирсе.
Минг тенг да азды, бир джау да кёбдю.
Берекет берсин деген джерде, берекет болур.
Ач да бол, токъ да бол – намысынга бек бол.
Алма терегинден кери кетмез.
Тура эдим джата, къайдан чыкъды хата?
Аман киши кеси юйюнде – къонакъ.
Къолу уллу – асыу, аягъы уллу – джарсыу.
Айтылгъан сёз ызына къайтмаз.
Тамырсыз терекге таянма – джыгъылырса.
Къатын къылыкъсыз, эр тынчлыкъсыз.
Намысы болмагъанны, сыйы болмаз.
Къоркъакъны кёзю экили кёрюр.
Окъугъан – асыу, окъумагъан – джарсыу.
Ач келгенни – тойдур, кеч келгенни – къондур.
Ариу сёз джыланны орнундан чыгъарыр.
Ёксюзню тилеги къабыл болур.
Болджал ишни бёрю ашар.
Байма, деб да, къууанма, джарлыма, деб да, джылама.
Тешигини къатында, чычхан да батыр болур.
Мал кёб болса, джууукъ кёб болур.
Эллинг бла джау болсанг да, юйюнг бла джау болма.
Ачлыкъ отха секиртир.
Джарлыны тону джаз битер.