- Керек ташны ауурлугъу джокъ.
- Башы джабылгъан челекге, кир тюшмез.
- Хар зат кесини орнуна иги.
- Ашарыкъда сайлагъаннга – чий гырджын.
- Къыз чыгъаргъан – къызыл къымжа.
- Накъырда – кертини келечиси.
- Керилген да, ургъан кибикди.
- Тау башында, тау болмаз, джангыз терек, бау болмаз.
- Минг тенг да азды, бир джау да кёбдю.
- Кеси юйюмде мен да ханма.
- Чакъырылмагъан джерге барма, чакъырылгъан джерден къалма.
- Урама да – ёледи, сатама да – келеди.
- Сёз сёзню айтдырыр.
- Эркишиге тары кебек танг кёрюнюр.
- Ашха уста, юйюнде болсун
- Бал – татлы, балдан да бала – татлы.
- Адеби болмагъан къыз – тузсуз хант.
- Aдам боллукъ, сыфатындан белгили.
- Кёб къычыргъандан – къоркъма, тынч олтургъандан – къоркъ.
- Тулпарлыкъ, билекден тюл – джюрекден.
- Акъыл неден да кючлюдю.
- Ата Джуртча джер болмаз, туугъан элча эл болмаз.
- Аманны къуугъан, аманлыкъ табар.
- Чомарт джарлы болмаз.
- Тойгъан джерден туугъан джер игиди.
- Джеринден айырылгъан – джети джылар, джуртундан айырылгъан – ёлгюнчю джылар.
- Арба аугъандан сора, джол кёргюзтюучю кёб болур.
- Суугъа – чабакъ, къаягъа – ыргъакъ.
- Башынга джетмегенни сорма.
- Окъугъан – асыу, окъумагъан – джарсыу.
- Ёмюрлюк шохлукъну джел элтмез.
- Къобан да къуру да къобханлай турмайды, адам да къуру да патчахлай турмайды.
- Кийимни бир кюнню аясанг, минг кюннге джарар.
- Арыгъан къош чамчы болур.
- Тамбла алтындан бюгюн багъыр ашхы.
- Кёрмегеннге кебек – танг, битмегеннге сакъал – танг.
- Намыс болмагъан джерде, насыб болмаз.
- Шекер бла туз – бир болмаз, ушамагъан – юй болмаз.
- Огъурлуну сёзю – суу, огъурсузну сёзю – уу.
- Элде адам къалмаса, ит тахтагъа минер.
- Олтуруб кёрюнмей эди да, ёрге туруб кёрюне эди.
- Термилгенинги табмазса, кюлгенинге тюберсе.
- Ётюрюкню къуйругъу – бир тутум.
- Джырчы джырчыгъа – къарнаш.
- Джахил болса анасы, не билликди баласы?
- Уллу атлама – абынырса, уллу къабма – къарылырса.
- Билимли ёлмез, билимсиз кёрмез.
- Къарт айтханны этмеген, къартаймаз.
- Эртде тургъан джылкъычыны эркек аты тай табар.
- Джукъу тёшек сайламайды.
|
Сайка Сайка
|
