- Сёз къанатсыз учар.
- Ачыу алгъа келсе, акъыл артха къалады.
- Алтыда кюлмеген, алтмышда кюлмез.
- Байны къызы баймакъ болса да, юйде къалмаз!
- Аш хазыр болса, иш харам болур.
- Рысхы – сют юсюнде кёмюк кибикди.
- Мураты болгъанны джюрек тебюую башхады.
- Татлы сёз – балдан татлы.
- Ашыкъгъанны этеги бутуна чырмалыр.
- Къоркъакъны кёзю экили кёрюр.
- Ётген ёмюр – акъгъан суу.
- Джюрек кёзден алгъа кёрюр.
- Ойнай билмеген, уруб къачар.
- Чомартны къолу берекет.
- Дуния мал дунияда къалады.
- Ишлемеген – тишлемез.
- Байны оноуу, джарлыгъа джарамаз.
- Кимни – тили, тиши онглу, кимни – къолу, иши онглу.
- Кёлю джокъну – джолу джокъ.
- Иесиз малны бёрю ашар.
- Къонакъ аз олтурур, кёб сынар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Адамны аты башхача, акъылы да башхады.
- Ишлерге уял да, ашаргъа табма.
- Суугъа – таянма, джаугъа – ийнанма.
- Зар адамны насыбы болмаз.
- Джылар джаш, атасыны сакъалы бла ойнар.
- Джарлы эскисин джамаса, къууаныр.
- Тил – миллетни джаны.
- Джаш болсун, къыз болсун, акъылы, саны тюз болсун.
- Урама да – ёледи, сатама да – келеди.
- Гыдай эчки суугъа къараб, мюйюзле кёрмесе, джашма алкъын, дегенди.
- Айранны сюйген, ийнек тутар.
- Рысхы – насыбха къор.
- Арба аугъандан сора, джол кёргюзтюучю кёб болур.
- Ашына кёре табагъы, балына кёре къалагъы.
- Джаз бир кюнню джатсанг, къыш талай кюнню абынырса.
- Акъдан къара болмаз.
- Джогъун бар этген, барын бал этген.
- Акъыллы эркиши атын махтар, акъылсыз эркиши къатынын махтар.
- Иши джокъну, сыйы джокъ.
- Атлыны кёрсе, джаяуну буту талыр.
- Таукел адам тау тешер.
- Тойгъа алгъа да барма, тойда артха да къалма.
- Тешигини къатында, чычхан да батыр болур.
- Тамбла алтындан бюгюн багъыр ашхы.
- Ёксюзню къалачы уллу кёрюнюр.
- Босагъагъа джууукъ орун болса, ашыгъыб тёрге озма.
- Кёл – къызбай, къол – батыр.
- Этим кетсе да, сюегим къалыр.