- Тилчи тилден къаныкъмаз.
- Къарт айтханны этмеген, къартаймаз.
- Ана кёлю – балада, бала кёлю – талада.
- Къызны минг тилер, бир алыр.
- Эри аманны, къатыны – аман.
- Чакъырылмагъан джерге барма, чакъырылгъан джерден къалма.
- Таукел тауну аудурур.
- Бир абыннган – минг сюрюнюр.
- Ётюрюкню къуйругъу – бир тутум.
- Ашда уялгъан – мухар, ишде уялгъан – хомух.
- Ёлюк кебинсиз къалмаз.
- Адамны сыфатына къарама, сёзюне къара.
- Ата – билек, ана – джюрек!
- Джангызны оту джарыкъ джанмаз!
- Алтыда кюлмеген, алтмышда кюлмез.
- Рысхы – сют юсюнде кёмюк кибикди.
- Джумушакъ сёз къаты таякъны сындырыр.
- Рысхы джалгъанды: келген да этер, кетген да этер.
- Ашхылыкъ джерде джатмайды, аманлыкъ суугъа батмайды.
- Ач къарынны, токъ билмез
- Къайгъы тюбю – тенгиз.
- Кесинге джетмегенни, кёб сёлешме.
- Эл ауузу – элия.
- Рысхы – насыбха къор.
- Хансыз джомакъ болмаз.
- Келгинчи, къонакъ уялыр, келгенден сора, къонакъбай уялыр.
- Билим насыб берир, билим джолну керир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къарнынг ауруса, ауузунгу тый
- Рысхысына кёре, джаш ёсер, къышлыгъына кёре, мал ёсер.
- Билим ат болуб да чабар, къуш болуб да учар.
- Аллахдан тилесенг, кёб тиле.
- Гыдай эчки суугъа къараб, мюйюзле кёрмесе, джашма алкъын, дегенди.
- Ачыкъ джюрекге джол – ачыкъ.
- Душманны тышы – акъ, ичи – къара.
- Суугъа – таянма, джаугъа – ийнанма.
- Адам сёзге тынгыла, акъыл сёзню ангыла.
- Гугурук къычырмаса да, тангны атары къалмаз.
- Ариу сёз джыланны орнундан чыгъарыр.
- Терек ауса, отунчу – кёб.
- Бек ашыкъгъан меннге джетсин, дегенди аракъы.
- Гырджын – тепсини тамадасы.
- Олтуруб кёрюнмей эди да, ёрге туруб кёрюне эди.
- Зар адамны насыбы болмаз.
- Таш ата билмеген, башына урур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Джылар джаш, атасыны сакъалы бла ойнар.
- Уясында не кёрсе, учханында аны этер.
- Эринчекни аурууу – кёб.
- Элде адам къалмаса, ит тахтагъа минер.
|
zum
|
