- Азыкълы ат арымаз, къатыны аман джарымаз.
- Эте билген, этген этеди, эте билмеген, юретген этеди!
- Адамны аты башхача, акъылы да башхады.
- Рысхы – сют юсюнде кёмюк кибикди.
- Ачыкъ джюрекге джол – ачыкъ.
- Чомартха хар кюн да байрамды.
- Чомартха Тейри да борчлуду.
- Акъылсызны джууукъгъа алма, акъыллыны кенгнге салма.
- Джумушакъ терекни къурт ашар.
- Терек ауса, отунчу – кёб.
- Бети бедерден, намыс сакълама.
- Тойгъа алгъа да барма, тойда артха да къалма.
- Алма терегинден кери кетмез.
- Кёрмегеннге кебек – танг, битмегеннге сакъал – танг.
- Джангызны оту джарыкъ джанмаз!
- Чоюнну башы ачыкъ болса, итге уят керекди.
- Ёпкелегенни ашы татлы болады.
- Адам боллукъ, атламындан белгили болур.
- Къарны аманнга къазан такъдырма, къолу аманнга от джакъдырма.
- Эки къатын алгъанны къулагъы тынгнгаймаз.
- Сабийликде юретмесенг, уллу болса – тюзелмез.
- Аллахдан тилесенг, кёб тиле.
- Бал чибинни ургъаны – ачы, балы – татлы.
- Адеб базарда сатылмаз.
- Таула не мийик болсала да, аууш табылыр.
- Чалманны аллы къалай башланса, арты да алай барады.
- Эли джокъну – кёлю джокъ.
- Кёлсюзден сёзсюз тууар.
- Сескекли кесин билдирир.
- Тешик этген тынчды, аны джамагъан къыйынды.
- Къызны минг тилер, бир алыр.
- Къозулугъунда тоймагъан, къойлугъунда тоймаз.
- Ач – эснер, ат – кишнер.
- Кюлме джашха – келир башха.
- Накъырданы арты керти болур.
- Сабий болмагъан джерде, мёлек болмаз.
- Ариу сёзде ауруу джокъ.
- Сакъалы текени да бар, мыйыгъы киштикни да бар.
- Терслик кетер, тюзлюк джетер.
- Ана кёлю – балада, бала кёлю – талада.
- Кесине оноу эте билмеген, халкъына да эте билмез.
- Чомарт джарлы болмаз.
- Адам сёзюнден белгили.
- Чыбыкълыкъда бюгюлмеген, къазыкълыкъда бюгюлмей эди.
- Ач уят къоймаз.
- Акъыллы айтыр эди, акъылсыз къоймайды.
- Кёзюнде тереги болгъан, чёбю болгъаннга кюле эди.
- Сакъ юйюне сау барыр.
- Сёз – кюмюш, джыр – алтын.
- Ачлыкъ отха секиртир.