- Джол бла сёзню къыйыры джокъ.
- Сууда джау джокъ, кёб сёзде магъана джокъ.
- Ёксюзню къалачы уллу кёрюнюр.
- Ышармагъан – кюлмез, кюлмеген – къууанчны билмез.
- Сангырау къулакъ эл бузар.
- Башда акъыл болмаса, эки аякъгъа кюч джетер.
- Кёбню кёрген – кёб билир.
- Къонакъ кёб келюучю юйню, къазаны отдан тюшмез.
- Арыгъан къош чамчы болур.
- Къызгъанчдан ычхыныр, мухардан ычхынмаз.
- Баргъанынга кёре болур келгенинг.
- Бойнуму джети джерден кессенг да, мен ол ишни этеллик тюлме.
- Ёлген эшек бёрюден къоркъмайды.
- Юреннген ауруу къалмаз.
- Ханы къызы буюгъа-буюгъа киштик болду.
- Кёб джашагъан – кёб билир.
- Орну джокъну – сыйы джокъ.
- Гырджын – тепсини тамадасы.
- Тойну къарнашы – харс, джырны къарнашы – эжиу.
- Ургъан суудан башынгы сакъла.
- Малны кют, джерни тюрт.
- Элде адам къалмаса, ит тахтагъа минер.
- Хата – гитчеден.
- Къанны къан бла джуума, аманны аман бла къуума.
- Уллу айтханны этмеген – уллаймаз.
- Джерни букъусу кёкге къонмаз.
- Ач, тоймам, дейди, тойгъан, ач болмам, дейди.
- Тас болгъан бычакъны сабы – алтын.
- Кёзден кетген, кёлден да кетеди.
- Ариу – кёзге, акъыл – джюрекге.
- Джуртун къоругъан озар.
- Эркишини аманы тиширыуну джылатыр.
- Ашына кёре табагъы, балына кёре къалагъы.
- Окъумагъан сокъурду, сокъур ташха абыныр!
- Насыблы элин сюер, насыбсыз кесин сюер.
- Джумушакъ сёз къаты таякъны сындырыр.
- Накъырда – кертини келечиси.
- Гугук кесини атын айтыб къычыргъанча, мен, мен деб нек тураса?
- Джылыгъа джылан илешир.
- Аз сёлешген, къайгъысыз турур.
- Къумурсхала джыйылсала, пилни да джыгъадыла.
- Сёз сёзню айтдырыр.
- Тешик этген тынчды, аны джамагъан къыйынды.
- Чабакъсыз кёлге къармакъ салгъанлыкъгъа, чабакъ тутмазса.
- Олтуруб кёрюнмей эди да, ёрге туруб кёрюне эди.
- Адамны сабийин сюйген джюреги, бычакъча, джитиди.
- Айтхан сёзюне табылгъан.
- Хаухну атма, ёнгкючню сатма.
- Шайтан алдады, тюзлюк къаргъады.
- Баш – акъыл ючюн, акъылман – халкъ ючюн.
Хаджимурат
|