Эльбрусоид :: Эльбрусоид

Джерни букъусу кёкге къонмаз.
Телиге акъыл салгъандан эсе, ёлгеннге джан салырса.
Айтхан – тынч, этген – къыйын.
Суу кетер, таш къалыр.
Аз сёлеш, кёб ишле.
Тюзню ётмеги тюзде къалса да, тас болмаз.
Къолу уллу – асыу, аягъы уллу – джарсыу.
Джаралыны джастыгъында сау ёлюр.
Мал кёб болса, джууукъ кёб болур.
Атлыны кёрсе, джаяуну буту талыр.
Ач келгенни – тойдур, кеч келгенни – къондур.
Ариуну – ауруу кёб.
Ач да бол, токъ да бол – намысынга бек бол.
Мураты болгъанны джюрек тебюую башхады.
Тойгъан джерден туугъан джер игиди.
Тамбла алтындан бюгюн багъыр ашхы.
Джыланны къуйругъундан басарынг келсе, аны башы болгъанын унутма.
Сютню башын джалагъан къутулур, тюбюн ичген тутулур.
Ашхылыкъ джерде джатмайды, аманлыкъ суугъа батмайды.
Ач къалгъандан, кеч къалгъан къолай.
Ашыкъгъан cуу, тенгизге джетмез.
Сёз – кюмюш, джыр – алтын.
Къар – келтирди, суу – элтди.
Аманнга да, игиге да оноусуз къатышма.
Окъугъан – асыу, окъумагъан – джарсыу.
Къызгъанчдан ычхыныр, мухардан ычхынмаз.
Джеринден айырылгъан – джети джылар, джуртундан айырылгъан – ёлгюнчю джылар.
Адамны артындан къара сабан сюрме.
Оюмсуз атлагъан, аджалсыз ёлюр.
Кютгени беш эчки, сызгъыргъаны уа, джерни джарады.
Аш хазыр болса, иш харам болур.
Ишлерге уял да, ашаргъа табма.
Тойгъа алгъа да барма, тойда артха да къалма.
Таякъ этден ётер, тил сюекден ётер.
Ашлыкъ – бюртюкден, джюн – тюкден.
Эр сокъур болсун, къатын тилсиз болсун.
Ашда – бёрю, ишде – ёлю.
Ушамагъан – джукъмаз.
Элде адам къалмаса, ит тахтагъа минер.
Джол бла сёзню къыйыры джокъ.
Къарнынг тойгъунчу аша да, белинг талгъынчы ишле.
Иесиз малны бёрю ашар.
Итли къонакъ джарашмаз.
Нафысынгы айтханын этме, намысынгы айтханын эт.
Къонакъ хазыр болгъанлыкъгъа, къонакъбай хазыр тюлдю.
Къонакъ кёб келюучю юйню, къазаны отдан тюшмез.
Ишни аллы бла къууанма да, арты бла къууан.
Джарлы эскисин джамаса, къууаныр.
Хар зат кесини орнуна иги.
Тойну къарнашы – харс, джырны къарнашы – эжиу.