- Тил джюрекге джол ишлейди.
- Ач уят къоймаз.
- Юре билмеген ит, къонакъ келтирир.
- Атадан ёксюз – бир ёксюз, анадан ёксюз – эки ёксюз.
- Ышармагъан – кюлмез, кюлмеген – къууанчны билмез.
- Билеги кючлю, бирни джыгъар, билими кючлю, мингни джыгъар.
- Юй ишлеген балта эшикде къалыр.
- Джукъу тёшек сайламайды.
- Абынмазлыкъ аякъ джокъ, джангылмазлыкъ джаякъ джокъ.
- Сютден ауузу кюйген, суугъа юфгюре эди.
- Ариу сёз аурууунгу алыр.
- Къызбайны юйюне дери сюрсенг, батыр болур.
- Насыблы элин сюер, насыбсыз кесин сюер.
- Кенгеш болса, уруш болмаз.
- Аманны эки битли тону болур, бирин сеннге кийдирир, бирин кеси киер.
- Арбаз сайлама да, хоншу сайла.
- Сакъалы текени да бар, мыйыгъы киштикни да бар.
- Накъырда – кертини келечиси.
- Ашлыкъ – бюртюкден, джюн – тюкден.
- Чакъырылмагъан къонакъ – орунсуз.
- Аллахха ийнаннган кишини, Аллах онгдурур ишин.
- Бир абыннган – минг сюрюнюр.
- Акъыл сабырлыкъ берир.
- Къатыны харакетли болса, эри къымсыз болур.
- Чабар ат – джетген къыз.
- Келинин тута билмеген, къул этер, къызын тута билмеген, тул этер.
- Акъылсызны джууукъгъа алма, акъыллыны кенгнге салма.
- Иги – алгъыш этер, аман – къаргъыш этер.
- Ач къалгъандан, кеч къалгъан къолай.
- Окъугъан – асыу, окъумагъан – джарсыу.
- От кюйдюрген, сау болса да, тот кюйдюрген, сау болмаз.
- Тойгъа алгъа да барма, тойда артха да къалма.
- Аджаллыгъа окъсуз шкок атылыр.
- Таукел адам тау тешер.
- Босагъагъа джууукъ орун болса, ашыгъыб тёрге озма.
- Чоюнну башы ачыкъ болса, итге уят керекди.
- Тил бла келеди джыр да.
- Иги болса, тамадама – махтау, аман болса, меннге – айыб.
- Аман киши кеси юйюнде – къонакъ.
- Адамны адамлыгъы къыйынлыкъда айгъакъланады.
- Мал кёб болса, джууукъ кёб болур.
- Юйюнг бла джау болгъандан эсе, элинг бла джау бол.
- Игиге айтсанг – билир, аманнга айтсанг – кюлюр.
- Гырджын – тепсини тамадасы.
- Хоншуну тауугъу къаз кёрюнюр, келини къыз кёрюнюр.
- Ашлыкъны арба юйге келтирир, чана базаргъа элтир.
- Суу кетер, таш къалыр.
- Элни кючю – эмеген.
- Окъугъан озар, окъумагъан тозар.
- Биреу ашаб къутулур, биреу джалаб тутулур.