- Насыблы элин сюер, насыбсыз кесин сюер.
- Тилсиз миллет джокъ болур.
- Чомарт къонакъ юй иесин сыйлар.
- Джыйырма къойну юч джыйырма эбзе кюте эди.
- Мухар, кеси тойса да, кёзю тоймаз.
- Кёзюнде тереги болгъан, чёбю болгъаннга кюле эди.
- Адебни адебсизден юрен.
- Чакъырылмагъан къонакъ – орунсуз.
- Кёлю джокъну – джолу джокъ.
- Байлыкъ болгъан джерде, тынчлыкъ джокъду.
- Ачлыкъ отха секиртир.
- Дуния аламаты сен эсенг да, игиме деб айтма.
- Джангызны оту джарыкъ джанмаз!
- Мени джылытмагъан кюн, меннге тиймесин!
- Акъылсызны джууукъгъа алма, акъыллыны кенгнге салма.
- Баргъанынга кёре болур келгенинг.
- Эринчекни эр алмаз, эр алса да, кёл салмаз, кёл салса да, кёб бармаз!
- Соргъан айыб тюлдю, билмеген айыбды.
- Биреуге аманлыкъ этиб, кесинге игилик табмазса.
- Къайгъы тюбю – тенгиз.
- Арпа, будай – ащды, алтын, кюмюш а – ташды.
- Сабий кёргенин унутмаз.
- Биреу ашаб къутулур, биреу джалаб тутулур.
- Аман адам этегингден тутса, кес да къач.
- Юйлю уругъа ит чабмаз.
- Кийиминг бла танылма, адамлыкъ бла таныл.
- Кийимни бичсенг, кенг бич, тар этген къыйын тюлдю.
- Кеси юйюмде мен да ханма.
- Иги джашны ышаны – аз сёлешиб, кёб тынгылар.
- Ариу сёз – джаннга азыкъ, аман сёз – башха къазыкъ.
- Адеб этмеген, адеб кёрмез.
- Эки къатын алгъан – эки ташны ортасына башын салгъан.
- Айраннга суу къош, телиге джол бош.
- Эркишиге тары кебек танг кёрюнюр.
- Тёзген – тёш ашар!
- Шекер бла туз – бир болмаз, ушамагъан – юй болмаз.
- Джырчы ёлсе, джыры къалыр.
- Намыс болмагъан джерде, насыб болмаз.
- Чакъырылмагъан джерге барма, чакъырылгъан джерден къалма.
- Джан саулукъ бермей, сан саулукъ бермезсе.
- Айырылгъанланы айю ашар, бёлюннгенлени бёрю ашар.
- Адамгъа аман кюн соруб келмейди.
- Тил – кесген бычакъ, сёз – атылгъан окъ.
- Малны кют, джерни тюрт.
- Къонакъ аман болса, къонакъбай джунчур
- Ургъан суудан башынгы сакъла.
- Зарда марда джокъ.
- Аш иеси бла татлыды.
- Бал ашаргъа сюе эсенг, чибин ургъаннга тёз.
- Эри аманны, къатыны – аман.