- Терслик кетер, тюзлюк джетер.
- Олтуруб кёрюнмей эди да, ёрге туруб кёрюне эди.
- Къонагъынгы артмагъын алма да, алгъышын ал.
- Тынгылагъан тынгы бузар.
- Келлик заман – къартлыкъ келтирир, кетген заман – джашлыкъ ёлтюрюр.
- Джахил болса анасы, не билликди баласы?
- Атлыны ашхысы, ат тизгининден билинир
- Аманнга да, игиге да оноусуз къатышма.
- Джарлы джети элни сёзюн этер.
- Ханнга да келеди хариблик.
- Джети тилни билген джети кишиди.
- Нафысынгы айтханын этме, намысынгы айтханын эт.
- Эте билген, этген этеди, эте билмеген, юретген этеди!
- Урунуу – насыбны анасы.
- Джюрекден джюрекге джол барды.
- Ётюрюк хапар аякъ тюбю бла джюрюйдю.
- Кёз – сюйген джерде, къол – ауругъан джерде.
- Сабий кёргенин унутмаз.
- Къарт болгъан джерде, берекет болур, сабий болгъан джерде, оюн болур.
- Джырчы ёлсе, джыры къалыр.
- Баш болса, бёрк табылыр.
- Азыкъ аз болса, эртде орун сал.
- Экеу тутушса, биреу джыгъылыр.
- Ачлыкъда тары гырджын халыуадан татлы.
- Биреуню тёрюнден, кесинги эшик артынг игиди.
- Ана къойну – балагъа джандет.
- Эрни эр этерик да, къара джер этерик да, тиширыуду.
- Къар – келтирди, суу – элтди.
- Дуния малгъа сатылма, кесингден телиге къатылма.
- Бек ашыкъгъан меннге джетсин, дегенди аракъы.
- Бал ашаргъа сюе эсенг, чибин ургъаннга тёз.
- Бети къызарыучу адамны, джюреги харам болмаз.
- Сакъалы текени да бар, мыйыгъы киштикни да бар.
- Адамны адамлыгъы къыйынлыкъда айгъакъланады.
- Эл ауузу – элек, анга ийнаннган – халек.
- Къонагъы джокъну – шоху джокъ.
- Баланы адам этген анады.
- Кеси юйюмде мен да ханма.
- Къарт бла баш аша, джаш бла аякъ аша.
- Къумурсхала джыйылсала, пилни да джыгъадыла.
- Джарлыны тону джаз битер.
- Нарт сёз – тилни бети.
- Чабакъсыз кёлге къармакъ салгъанлыкъгъа, чабакъ тутмазса.
- Ариу сёз – къылычдан джити.
- Ариу сёз джыланны орнундан чыгъарыр.
- Адеб джокъда, намыс джокъ.
- Кёбден умут этиб, аздан къуру къалма.
- Хантына кёре тузу, юйюне кёре къызы.
- Арба аугъандан сора, джол кёргюзтюучю кёб болур.
- Адамны аманы адамны бети бла ойнар.