Эльбрусоид :: Эльбрусоид

Дуния малгъа сатылма, кесингден телиге къатылма.
Аш кетер да бет къалыр.
Бастасын ашагъан, хантусун да ичер.
Чабар ат – джетген къыз.
Акъыл бла адеб эгизледиле.
Къартха ушагъан джаш – акъыллы, джашха ушагъан къарт – тели.
Чыбыкълыкъда бюгюлмеген, къазыкълыкъда бюгюлмей эди.
Чомартны къолун джокълукъ байлар.
Джашда акъыл джокъ, къартда къарыу джокъ.
Джол бла сёзню къыйыры джокъ.
Тилчи тилден къаныкъмаз.
Акъыллы башны – тили къысха.
Ишин билген, аны сыйын чыгъарады.
Къонакъ аман болса, къонакъбай джунчур
Адамны джюреги нени кёрюрге сюйсе, кёзю да аны кёрюрге ёч болады.
Ашхы – джыяр, аман – джояр.
Чёбню кёлтюрсенг, тюбюнден сёз чыгъар.
Къулакъдан эсе, кёзге ышан.
Намыс болмагъан джерде, насыб болмаз.
Ишге юренсин къоллары, халкъ бла болсун джоллары.
Ханнга да келеди хариблик.
Юйюнгден чыкъдынг – кюнюнгден чыкъдынг.
Дууулдаса – бал чибин, къонса – къара чибин.
Джангызны оту джарыкъ джанмаз!
Уллу айтханны этмеген – уллаймаз.
Ариу сёз – къылычдан джити.
Билген билмегенни юретген адетди.
Къыз тиширыу кеси юйюнде да къонакъды.
Аджал соруб келмез, келсе, къайтыб кетмез.
Насыб бютеу халкъны юлюшюдю.
Ургъан суудан башынгы сакъла.
Гугук кесини атын айтыб къычыргъанча, мен, мен деб нек тураса?
Биреуню эскиси биреуге джангы болмайды.
Эм ашхы къайын ана мамукъ бла башынгы тешер.
Адамны сабийин сюйген джюреги, бычакъча, джитиди.
Элни кючю – эмеген.
Байлыкъ адамны сокъур этер.
Элге къуллукъ этмеген, элге ие болмаз.
Эки къатын алгъан – эки ташны ортасына башын салгъан.
Алма терегинден кери кетмез.
Аман адамны тепсинге олтуртсанг, къызынгы тилер.
Тенгинг джокъ эсе – изле, бар эсе – сакъла!
Ачыу алгъа келсе, акъыл артха къалады.
Уллу сёлешме да, уллу къаб.
Иесиз малны бёрю ашар.
Сютден ауузу кюйген, суугъа юфгюре эди.
Мени джылытмагъан кюн, меннге тиймесин!
Сёз садакъдан кючлюдю.
Шапа кёб болса, аш татымсыз болур.
Тамбла алтындан бюгюн багъыр ашхы.