- Биреуге аманлыкъны тилеме да, кесинге ашхылыкъны тиле.
- Тилчиден кери бол.
- Къыз тиширыу кеси юйюнде да къонакъды.
- Арбаз сайлама да, хоншу сайла.
- Кёзю сокъурдан – къоркъма, кёлю сокъурдан – къоркъ.
- Къар – келтирди, суу – элтди.
- Аман къатын алгъан, арыр, иги къатын алгъан джарыр.
- Урунуу – насыбны анасы.
- Татлы сёз – балдан татлы.
- Къулакъдан эсе, кёзге ышан.
- Айран тёгюлсе, джугъусу къалыр.
- Къарнынг ауруса, ауузунгу тый
- Узун джолну барсанг, бюгюн келирсе, къысха джолну барсанг, тамбла келирсе.
- Таукел къуру къалмаз.
- Айтылгъан буйрукъ, сёгюлмез
- Ата – баланы уясы.
- Алтыннга тот къонмаз.
- Алма терегинден кери кетмез.
- Бет бетге къараса, бет да джерге къарар.
- Тыш элде солтан болгъандан эсе, кесинги элде олтан болгъан игиди!
- Къатын байлыкъны сюер, эр саулукъну сюер.
- Ишни ахырын ойламай, аллын башлама.
- Аурууну келиую тынч, кетиую – къыйын.
- От этилмеген джерден тютюн чыкъмайды.
- Ауругъан – джашаудан умутчу.
- Уллу сёзде уят джокъ.
- Бир абыннган – минг сюрюнюр.
- Юре билмеген ит, къонакъ келтирир.
- Адамны адамлыгъы къыйынлыкъда айгъакъланады.
- Биреуге аманлыкъ этиб, кесинге игилик табмазса.
- Сабийни джумушха джибер да, ызындан бар.
- Тил бла келеди джыр да.
- Къарыусузгъа кюлме, онгсузгъа тийме.
- Сабий кёргенин унутмаз.
- Аман адамны тепсинге олтуртсанг, къызынгы тилер.
- Суугъа – таянма, джаугъа – ийнанма.
- Тенгни тенглиги джашай барсанг билинир.
- Байма, деб да, къууанма, джарлыма, деб да, джылама.
- Къарт бла баш аша, джаш бла аякъ аша.
- Тёрде – темир таякълы, къаяда – чыпчыкъ аякълы.
- Сютден ауузу кюйген, суугъа юфгюре эди.
- Къартны сыйын кёрмеген, къартлыгъында сыйлы болмаз.
- Биреу къой излей, биреу той излей.
- Окъуу – билимни ачхычы, окъуу – дунияны бачхычы.
- Кёл ашады да, кеси ашады.
- Тилде сюек болмаса да, сюек сындырыр.
- Сангырау къулакъ эл бузар.
- Ойнай-ойнай кёз чыгъар.
- Атынг аманнга чыкъгъандан эсе, джанынг тамагъынгдан чыкъсын.
- Ёгюзню мюйюзлери ауурлукъ этмейдиле.