- Ач да бол, токъ да бол – намысынга бек бол.
- Чакъырылмагъан къонакъ къачан кетерин сормаз.
- Джахил болса анасы, не билликди баласы?
- Эки къатын алгъан – эки ташны ортасына башын салгъан.
- Аджаллыгъа окъсуз шкок атылыр.
- Кёб джат да, бек чаб.
- Адам къыйынлыгъын кёлтюрюр, зауукълугъун кёлтюрмез.
- Къуру гыбыт бек дыгъырдар.
- Элиб деген, элге болушур.
- Атлыны кёрсе, джаяуну буту талыр.
- Ишлегенде эринме, ишде чолакъ кёрюнме.
- Тилсиз миллет джокъ болур.
- Акъыл бла адеб эгизледиле.
- Зар адамны насыбы болмаз.
- Мухардан ач ычхынмаз.
- Аджашхан тёгерек айланыр.
- Ишленмеген джаш – джюгенсиз ат, ишленмеген къыз – тузсуз хант.
- Эм ашхы къайын ана мамукъ бла башынгы тешер.
- Ач къарынны, токъ билмез
- Адеб этмеген, адеб кёрмез.
- Сакъ юйюне сау барыр.
- Джылар джаш, атасыны сакъалы бла ойнар.
- Этни бети бла шорпасы.
- Джумушакъ сёз къаты таякъны сындырыр.
- Баргъанынга кёре болур келгенинг.
- Адам къаллай бир ишленмесе, аллай бир кесин уллу кёреди.
- Айныгъанлы алты кюн, тогъайгъанлы тогъуз кюн.
- Урунуу – насыбны анасы.
- Эркишини аманы тиширыуну джылатыр.
- Къыз чыгъаргъан – къызыл къымжа.
- Алма терегинден кери кетмез.
- Къолу уллу – асыу, аягъы уллу – джарсыу.
- Намысы болмагъанны, сыйы болмаз.
- Бюгюн дуния кибик, тамбла ахыратды.
- Кийиминг бла танылма, адамлыкъ бла таныл.
- Ачыу алгъа келсе, акъыл артха къалады.
- Ёлюр джаннга, ёкюл джокъ.
- Башы ишлегенни, ауузу да ишлер.
- Айырылгъанланы айю ашар, бёлюннгенлени бёрю ашар.
- Чакъырылмагъан джерге барма, чакъырылгъан джерден къалма.
- Эллинг бла джау болсанг да, юйюнг бла джау болма.
- Аякъларынгы джууургъанынга кёре узат.
- Зар адам ашынгы ашар, кесинги сатар.
- Алтыннга тот къонмаз.
- Тура эдим джата, къайдан чыкъды хата?
- Элге къуллукъ этмеген, элге ие болмаз.
- Бермеген къол, алмайды.
- Къонакъ кёб келюучю юйню, къазаны отдан тюшмез.
- Азыкъ аз болса, эртде орун сал.
- Кёзю сокъурдан – къоркъма, кёлю сокъурдан – къоркъ.
|
Ahola
|
