- Ана къолу ачытмаз.
- Джуртун къоругъан озар.
- Атлыны кёрсе, джаяуну буту талыр.
- Адеб джокъда, намыс джокъ.
- Чабар ат – джетген къыз.
- Уллу айтханны этмеген – уллаймаз.
- Ач бёрюге мекям джокъ.
- Бети бедерден, намыс сакълама.
- Сакъалы текени да бар, мыйыгъы киштикни да бар.
- Ашхы тенг джолгъа салыр, аман тенг джолдан тайдырыр.
- Джерни букъусу кёкге къонмаз.
- Чакъырылмагъан къонакъ къачан кетерин сормаз.
- Къайтырыкъ эшигинги, къаты уруб чыкъма.
- Джаш къарыу бла кючлю, къарт акъыл бла кючлю.
- Къатыны харакетли болса, эри къымсыз болур.
- Аурууну келиую тынч, кетиую – къыйын.
- Ашхы болсанг, атынг чыгъар, аман болсанг, джанынг чыгъар.
- Кёзюнде тереги болгъан, чёбю болгъаннга кюле эди.
- Сёз сёзню айтдырыр.
- Кимни – тили, тиши онглу, кимни – къолу, иши онглу.
- От этилмеген джерден тютюн чыкъмайды.
- Эшекге миннген – биринчи айыб, андан джыгъылгъан – экинчи айыб.
- Аякъларынгы джууургъанынга кёре узат.
- Мал кёб болса, джууукъ кёб болур.
- Эшекни не къадар тюйсенг да, ат болмаз.
- Асхат ашлыкъ сата, юйдегиси ачдан къата.
- Тойгъандан сора, ашны сёкме.
- Эркишиге тары кебек танг кёрюнюр.
- Джарлы джети элни сёзюн этер.
- Адеб этмеген, адеб кёрмез.
- Кёб джат да, бек чаб.
- Джетген къыз джерли эшекни танымаз.
- Тыш элде солтан болгъандан эсе, кесинги элде олтан болгъан игиди!
- Сабий болмагъан джерде, мёлек болмаз.
- Ёзденликни джайгъан – джокълукъ.
- Тау башында, тау болмаз, джангыз терек, бау болмаз.
- Босагъагъа джууукъ орун болса, ашыгъыб тёрге озма.
- Аман къатын сабий табса, бий болур…
- Иги – алгъыш этер, аман – къаргъыш этер.
- Чакъырылмагъан къонакъ тёрге атламаз.
- Таш ата билмеген, башына урур.
- Окъуусуз билим – джокъ, билимсиз кюнюнг – джокъ.
- Хаухну атма, ёнгкючню сатма.
- Онгсузну – джакъла, тенгликни – сакъла.
- Къатын къылыкъсыз, эр тынчлыкъсыз.
- Ашыкъгъан cуу, тенгизге джетмез.
- Къарнынг тойгъунчу аша да, белинг талгъынчы ишле.
- Тойгъа алгъа да барма, тойда артха да къалма.
- Юй ишлеген балта эшикде къалыр.
- Биреуге кёлтюрген таягъынг, кесинги башынга урур.