Эльбрусоид :: Эльбрусоид

Къонакъны къачан кетерин сорма, къачан келлигин сор.
Кеси юйюмде мен да ханма.
Айтылгъан буйрукъ, сёгюлмез
Мадар болса, къадар болур.
Бети – къучакълар, джюреги – бычакълар.
Таукел тауну аудурур.
Окъ къызбайны джокълайды.
Акъыл бла адеб эгизледиле.
Чабакъсыз кёлге къармакъ салгъанлыкъгъа, чабакъ тутмазса.
Суу да къайтады чыкъгъан джерине.
Къобан да къуру да къобханлай турмайды, адам да къуру да патчахлай турмайды.
Чакъырылмагъан къонакъ – орунсуз.
Ётюрюкден тюбю джокъ, кёлтюрюрге джиби джокъ.
Кюн кёрмеген, кюн кёрсе, кюндюз чыракъ джандырыр.
Ётюрюкню къуйругъу – бир тутум.
Малны кют, джерни тюрт.
Къыз келсе, джумуш эте келеди, къатын келсе, ушакъ эте келеди.
Киштикге къанат битсе, чыпчыкъ къалмаз эди.
Джаным-тиним – окъуу, билим.
Ашарыкъда сайлагъаннга – чий гырджын.
Билеги кючлю, бирни джыгъар, билими кючлю, мингни джыгъар.
Билим къая тешер.
Аманны эки битли тону болур, бирин сеннге кийдирир, бирин кеси киер.
Сагъыш – къартлыкъгъа сюйюмчю.
Къызбайны юйюне дери сюрсенг, батыр болур.
Къарт болгъан джерде, берекет болур, сабий болгъан джерде, оюн болур.
Биреу къой излей, биреу той излей.
Къалгъан ишге къар джауар.
Ашлыкъ – бюртюкден, джюн – тюкден.
Уллу сёзде уят джокъ.
Байлыкъ болгъан джерде, тынчлыкъ джокъду.
Кесинге джетмегенни, кёб сёлешме.
Арыгъан къош чамчы болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Терек ауса, отунчу – кёб.
Хантына кёре тузу, юйюне кёре къызы.
Тойгъан антын унутур.
Халкъны джырын джырласанг, халкъ санга эжиу этер.
Юйюнг бла джау болгъандан эсе, элинг бла джау бол.
Юй ишлеген балта эшикде къалыр.
Дууулдаса – бал чибин, къонса – къара чибин.
Къумурсхала джыйылсала, пилни да джыгъадыла.
Тынгылагъан тынгы бузар.
Мал тутхан – май джалар.
Чабар ат – джетген къыз.
Эрни эр этерик да, къара джер этерик да, тиширыуду.
Билим – акъылны чырагъы.
Туз, гырджын аша, тюзлюк бла джаша.
Нарт сёз – тилни бети.
Ашлыкъны арба юйге келтирир, чана базаргъа элтир.