- Игилик игилик бла сингдирилиучю затды.
- Ата – билек, ана – джюрек!
- Адеби болмагъан къыз – тузсуз хант.
- Тилчи тилден къаныкъмаз.
- Биреуню къыйынлыгъы бла кесинге джол ишлеме.
- Тилчиден кери бол.
- Рысхысына кёре, джаш ёсер, къышлыгъына кёре, мал ёсер.
- Айтхан сёзюне табылгъан.
- Аджалсыз ёлюм болмаз.
- Телиге от эт десенг, юйюнге от салыр.
- Таугъа чыгъаллыкъ эсенг, тюзде къалма.
- Ойнай-ойнай кёз чыгъар.
- Тюкюрюк баш джармаз, налат кёз чыгъармаз!
- Мен да «сен», дейме, сен да «кесим», дейсе.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ашлыкъ – бюртюкден, джюн – тюкден.
- Къонакъ хазыр болгъанлыкъгъа, къонакъбай хазыр тюлдю.
- Зарда марда джокъ.
- Сёз къанатсыз учар.
- От этилмеген джерден тютюн чыкъмайды.
- Нёгер болсанг, тенг бол, тенг болмасанг, кенг бол.
- Этек чакъмакълары баш джаргъан, сёлешген сёзлери таш джаргъан.
- Къобан да къуру да къобханлай турмайды, адам да къуру да патчахлай турмайды.
- Сагъыш – къартлыкъгъа сюйюмчю.
- Аз сёлеш, кёб ишле.
- Намысы болмагъанны, сыйы болмаз.
- Къонакъ аз олтурур, кёб сынар.
- Мадар болса, къадар болур.
- Ашда – бёрю, ишде – ёлю.
- Элиб деген, элге болушур.
- Тин – байлыгъынг, терен саулугъунг.
- Тенгинг джокъ эсе – изле, бар эсе – сакъла!
- Иги адам абынса да, джангылмаз.
- Онгсузну – джакъла, тенгликни – сакъла.
- Элде адам къалмаса, ит тахтагъа минер.
- Къошда джокъгъа – юлюш джокъ.
- Акъыл сабырлыкъ берир.
- Ачыу алгъа келсе, акъыл артха къалады.
- Тюз сёз баргъан сууну тыяр.
- Уллу атлама – абынырса, уллу къабма – къарылырса.
- Тёзген – тёш ашар!
- Баланы адам этген анады.
- Сибиртки да сыйлы болду, кюрек да кюнлю болду.
- Кюлме джашха – келир башха.
- Азыкълы ат арымаз, къатыны аман джарымаз.
- Узун джолну барсанг, бюгюн келирсе, къысха джолну барсанг, тамбла келирсе.
- Бюгюн дуния кибик, тамбла ахыратды.
- Билим ат болуб да чабар, къуш болуб да учар.
- Суу да къайтады чыкъгъан джерине.
- Хоншуну тауугъу къаз кёрюнюр, келини къыз кёрюнюр.