- Адебсиз адам – джюгенсиз ат.
- Кёл ашады да, кеси ашады.
- Тюзню ётмеги тюзде къалса да, тас болмаз.
- Окъуу – билимни ачхычы, окъуу – дунияны бачхычы.
- Ариу джол аджал келтирмез.
- Окъугъанны бети джарыкъ.
- Айырылгъанланы айю ашар, бёлюннгенлени бёрю ашар.
- Тёзгеннге, джабылгъан эшик ачылыр.
- Келлик заман – къартлыкъ келтирир, кетген заман – джашлыкъ ёлтюрюр.
- Шайтан алдады, тюзлюк къаргъады.
- Харам къарнашдан, халал тенг ашхы.
- Билим – акъылны чырагъы.
- Кюлме джашха – келир башха.
- Ётюрюкню башын керти кесер.
- Биреуню эскиси биреуге джангы болмайды.
- Ойнай-ойнай кёз чыгъар.
- Кесине оноу эте билмеген, халкъына да эте билмез.
- Мал кёб болса, джууукъ кёб болур.
- Ёмюрлюк шохлукъну джел элтмез.
- Джетген къыз джерли эшекни танымаз.
- Билими азны – ауузунда кирит.
- Бетинги сатма, малынгы сат.
- Тойгъанлыкъ къойгъа джарашады.
- Къыйынлы джети элни къайгъысын этер.
- Джырчы ёлсе, джыры къалыр.
- Аманнга игилик этсенг, юйюнге сау бармазса.
- Билген билмегенни юретген адетди.
- Элде адам къалмаса, ит тахтагъа минер.
- Джылыгъа джылан илешир.
- Ётюрюкден тюбю джокъ, кёлтюрюрге джиби джокъ.
- Джарлы тюеге минсе да, ит къабар.
- Бёрю да ач къалмасын, эчки да ашалмасын.
- Шапа кёб болса, аш татымсыз болур.
- Адамны бетине къарама, адетине къара.
- Алтыда кюлмеген, алтмышда кюлмез.
- Игиге айтсанг – билир, аманнга айтсанг – кюлюр.
- Аман эсирсе, юйюн ояр.
- Таякъ этден ётер, тил сюекден ётер.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кюн кёрмеген, кюн кёрсе, кюндюз чыракъ джандырыр.
- Уллу къазанда бишген эт, чий къалмаз.
- Къарнынг къанлынга кийирир.
- Чомартха Тейри да борчлуду.
- Ёксюзню тилеги къабыл болур.
- Къонакъ аман болса, къонакъбай джунчур
- Экеулен сёлеше тура эселе, орталарына барыб кирме.
- Эки ойлашыб, бир сёлешген.
- Къатын къылыкъсыз, эр тынчлыкъсыз.
- Ёзденликни кёбю ётюрюк.
- Насыблы элин сюер, насыбсыз кесин сюер.
|
madya
|
