- Тешигини къатында, чычхан да батыр болур.
- Джашынгы кесинг юретмесенг, джашау юретир.
- Сакъ юйюне сау барыр.
- Чомартха Тейри да борчлуду.
- Адам сёзге тынгыла, акъыл сёзню ангыла.
- Иги адамны бир сёзю эки болмаз.
- Экеу тутушса, биреу джыгъылыр.
- Ачлыкъда тары гырджын халыуадан татлы.
- Адам къыйынлыгъын кёлтюрюр, зауукълугъун кёлтюрмез.
- Адам сёзюнден белгили.
- Ачыу алгъа келсе, акъыл артха къалады.
- Иесиз малны бёрю ашар.
- Артына баргъанны, къатына барма.
- Ёлген эшек бёрюден къоркъмайды.
- Ёзденликни кёбю ётюрюк.
- Аманнга алтын чыдамаз.
- Иги джашны ышаны – аз сёлешиб, кёб тынгылар.
- Азыгъы аз, алгъа къабар, аты аман, алгъа чабар.
- Алгъанда – джууукъ, бергенде – джау.
- Ётюрюк хапар аякъ тюбю бла джюрюйдю.
- Аууз сакълагъан – джан сакълар.
- Акъдан къара болмаз.
- От этилмеген джерден тютюн чыкъмайды.
- Ётюрюкчюню шагъаты – къатында.
- Кёл – къызбай, къол – батыр.
- Керти сёзге тёре джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Ишленмеклик адамлыкъды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Бастасын ашагъан, хантусун да ичер.
- Суу ичген шауданынга тюкюрме.
- Уруну арты – къуру.
- Билгенни къолу къарны джандырыр.
- Адам туугъан джеринде, ит тойгъан джеринде.
- Сабыр джетер муратха, сабырсыз къалыр уятха.
- Билген билмегенни юретген адетди.
- Адеби болмагъан къыз – тузсуз хант.
- Ишлегенде эринме, ишде чолакъ кёрюнме.
- Къралынгы – душмандан, башынгы от бла суудан сакъла.
- Тойгъа барсанг, тоюб бар, эски тонунгу къоюб бар.
- Ач бёрюге мекям джокъ.
- Тин – байлыгъынг, терен саулугъунг.
- Ата Джуртча джер болмаз, туугъан элча эл болмаз.
- Элде адам къалмаса, ит тахтагъа минер.
- Джигер – джаннга къыйынлыкъ.
- Къыз тиширыу кеси юйюнде да къонакъды.
- Тёрде – темир таякълы, къаяда – чыпчыкъ аякълы.
- Ёзденликни джайгъан – джокълукъ.
- Бёрю да ач къалмасын, эчки да ашалмасын.
- Атлыны ашхысы, ат тизгининден билинир