B.taulan777 / Альбомы пользователей / B.taulan777
| 28 Апреля | 2024 года |
Навигация
- Джаш къарыу бла кючлю, къарт акъыл бла кючлю.
- Кюл тюбюндеги от кёрюнмейди.
- Ишни аллы бла къууанма да, арты бла къууан.
- Аман адамны тепсинге олтуртсанг, къызынгы тилер.
- Аш хазыр болса, иш харам болур.
- Чомарт джарлы болмаз.
- Айранны сюйген, ийнек тутар.
- Эки къатын алгъанны къулагъы тынгнгаймаз.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келинни – келгинчи, бёркню кийгинчи кёр.
- От кюйдюрген, сау болса да, тот кюйдюрген, сау болмаз.
- Сууда джау джокъ, кёб сёзде магъана джокъ.
- Ишлерге уял да, ашаргъа табма.
- Тиширыусуз юй – отсуз от джагъа.
- Тилчи тилден къаныкъмаз.
- Арбаз сайлама да, хоншу сайла.
- Ишленмеклик адамлыкъды.
- Тойгъан антын унутур.
- Хар сёзню орну барды.
- Ашхы – джыяр, аман – джояр.
- Малны кют, джерни тюрт.
- Тешик этген тынчды, аны джамагъан къыйынды.
- Кесине гебен этелмеген, биреуге черен эте эди.
- Джауумдан сора, кюн кюйдюрюр, ётюрюкден сора, айыб кюйдюрюр.
- Эркиши – от, тиширыу – суу.
- Къая джолда джортма, ачыкъ сёзден къоркъма.
- Ишленмеген джаш – джюгенсиз ат, ишленмеген къыз – тузсуз хант.
- Джашынгы кесинг юретмесенг, джашау юретир.
- Элде адам къалмаса, ит тахтагъа минер.
- Эки ойлашыб, бир сёлешген.
- Ёксюзню къалачы уллу кёрюнюр.
- Суугъа – таянма, джаугъа – ийнанма.
- Аджаллыгъа окъсуз шкок атылыр.
- Чакъырылгъанны аты, чакъырылмагъанны багъасы болур.
- Къайгъыны сюйген, къайгъы табар.
- Къартны сыйын кёрмеген, къартлыгъында сыйлы болмаз.
- Танг атмайма десе да, кюн къоярыкъ тюйюлдю.
- Болджал ишни бёрю ашар.
- Джылыгъа джылан илешир.
- Уллу атлама – абынырса, уллу къабма – къарылырса.
- Рысхы джалгъанды: келген да этер, кетген да этер.
- Джарлы джети элни сёзюн этер.
- Ашхы сёз таш тешер.
- Тойгъандан сора, ашны сёкме.
- Эл ауузу – элек, анга ийнаннган – халек.
- Аууздан келген, къолдан келсе, ким да патчах болур эди.
- Къарт болгъан джерде, берекет болур, сабий болгъан джерде, оюн болур.
- Къатын къылыкъсыз, эр тынчлыкъсыз.
- Ачлыкъда тары гырджын халыуадан татлы.
- Арба аугъандан сора, джол кёргюзтюучю кёб болур.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
