uhti009 / Альбомы пользователей / САФИЯ Джатдоева
| 28 Апреля | 2024 года |
Навигация
- Адам къаллай бир ишленмесе, аллай бир кесин уллу кёреди.
- Уруну арты – къуру.
- Аманнга игилик этсенг, юйюнге сау бармазса.
- Иесиз малны бёрю ашар.
- Къазанчы аман болса, къазаны къайнамаз.
- Къоркъакъны кёзю экили кёрюр.
- Кёб джат да, бек чаб.
- Ач бёрюге мекям джокъ.
- Агъач халкъгъа алтынды, иссиликге салкъынды.
- Билмегенинги, билгеннге сор.
- Къонакъны къачан кетерин сорма, къачан келлигин сор.
- Алим болгъандан эсе, адам болгъан къыйынды.
- Джылар джаш, атасыны сакъалы бла ойнар.
- Къонакъ хазыр болгъанлыкъгъа, къонакъбай хазыр тюлдю.
- Терек ауса, отунчу – кёб.
- Халкъгъа джарагъан, джарлы къалмаз.
- Джашны джигитлиги сорулур, къызны джигерлиги сорулур.
- Кенгеш болса, уруш болмаз.
- Ата Джуртча джер болмаз, туугъан элча эл болмаз.
- Джахил болса анасы, не билликди баласы?
- Къайгъыны сюйген, къайгъы табар.
- Аманнга да, игиге да оноусуз къатышма.
- Аз айтсам, кёб ангылагъыз.
- Къонакъ кёб келюучю юйню, къазаны отдан тюшмез.
- Ёзденликни кёбю ётюрюк.
- Нарт сёз къарт болмаз.
- Эки итни арасына сюек атма, эки адамны арасында сёз чыгъарма.
- Болджал ишни бёрю ашар.
- Бети къызарыучу адамны, джюреги харам болмаз.
- Босагъагъа джууукъ орун болса, ашыгъыб тёрге озма.
- Кюн – узун, ёмюр – къысха.
- Къонакъ болсанг, ийнакъ бол.
- Ашхы сёз таш тешер.
- Эки къатын алгъанны къулагъы тынгнгаймаз.
- Къыйынлы джети элни къайгъысын этер.
- Иги болса, тамадама – махтау, аман болса, меннге – айыб.
- Аманнга алтын чыдамаз.
- Эртде тургъан бла эртде юйленнген сокъуранмаз.
- Къарыусузгъа кюлме, онгсузгъа тийме.
- Чабар ат – джетген къыз.
- Сормай – алма, чакъырылмай – барма.
- Тенгинг джокъ эсе – изле, бар эсе – сакъла!
- Чарсда алчыны эл кёреди.
- Хар адамгъа кеси миннген тау кибик.
- Чёбню кёлтюрсенг, тюбюнден сёз чыгъар.
- Адеб джокъда, намыс джокъ.
- Ашын ашагъанынгы, башын да сыйла.
- Игиге айтсанг – билир, аманнга айтсанг – кюлюр.
- Бек ашыкъгъан меннге джетсин, дегенди аракъы.
- Тёзген – тёш ашар!
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
