romantik / Альбомы пользователей / romantik
| 4 Декабря | 2021 года |
Навигация
- Атлыны кёрсе, джаяуну буту талыр.
- Джашда акъыл джокъ, къартда къарыу джокъ.
- Тилсиз миллет джокъ болур.
- Аш берме да, къаш бер.
- Аманны эки битли тону болур, бирин сеннге кийдирир, бирин кеси киер.
- Магъанасыз сёз – тауушсуз сыбызгъы.
- Тулпарлыкъ, билекден тюл – джюрекден.
- Ашлыкъны арба юйге келтирир, чана базаргъа элтир.
- Къонакъны къачан кетерин сорма, къачан келлигин сор.
- Сангырау къулакъ эл бузар.
- Джаралыны джастыгъында сау ёлюр.
- Таукел тауну аудурур.
- Акъыллы – эл иеси, тели – эл баласы.
- Ёнгкюч къууана барыр, джылай келир.
- Онгсузну – джакъла, тенгликни – сакъла.
- Биреу къой излей, биреу той излей.
- Айырылмаз джууугъунга, унутмаз сёзню айтма.
- Ишленмеген джаш – джюгенсиз ат, ишленмеген къыз – тузсуз хант.
- Тешигини къатында, чычхан да батыр болур.
- Аз сёлешген, къайгъысыз турур.
- Айтылгъан буйрукъ, сёгюлмез
- Эркишини аманы тиширыуну джылатыр.
- Къарны аманнга къазан такъдырма, къолу аманнга от джакъдырма.
- Ач уят къоймаз.
- Къонагъынгы артмагъын алма да, алгъышын ал.
- Адам къаллай бир ишленмесе, аллай бир кесин уллу кёреди.
- Суугъа – чабакъ, къаягъа – ыргъакъ.
- Сакъ юйюне сау барыр.
- Босагъа таш юйге кирмей эди, тыбыр таш эшикге чыкъмай эди.
- Окъуусуз билим – джокъ, билимсиз кюнюнг – джокъ.
- Нафысынгы айтханын этме, намысынгы айтханын эт.
- Уллу суу бла уллу ауруудан башынгы сакъла.
- Халкъны джырын джырласанг, халкъ санга эжиу этер.
- Чомартха Тейри да борчлуду.
- Адамны сыфатына къарама, сёзюне къара.
- Ёзденликни джайгъан – джокълукъ.
- Ишин билген, аны сыйын чыгъарады.
- Ойнай билмеген, уруб къачар.
- Къумурсхала джыйылсала, пилни да джыгъадыла.
- Тели турса – той бузар.
- Аджашханны ызындагъы кёреди, джангылгъанны джанындагъы биледи.
- Кеси юйюмде мен да ханма.
- Джан саулукъ бермей, сан саулукъ бермезсе.
- Узун джолну барсанг, бюгюн келирсе, къысха джолну барсанг, тамбла келирсе.
- Биреу ашаб къутулур, биреу джалаб тутулур.
- Къартны бурнун сюрт да, оноугъа тут.
- Сёз – кюмюш, джыр – алтын.
- Кюлме джашха – келир башха.
- Байлыкъ болгъан джерде, тынчлыкъ джокъду.
- Танг атмайма десе да, кюн къоярыкъ тюйюлдю.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
