| 1 Мая | 2024 года |
Навигация
- Акъыл бла адеб эгизледиле.
- Артына баргъанны, къатына барма.
- Эр абынмай, эл танымаз.
- Джолунга кёре – джюрюшюнг, джагъанга кёре – юлюшюнг.
- Айырылмаз джууугъунга, унутмаз сёзню айтма.
- Къонагъынгы артмагъын алма да, алгъышын ал.
- Адам къаллай бир ишленмесе, аллай бир кесин уллу кёреди.
- Хансыз джомакъ болмаз.
- Малны кют, джерни тюрт.
- Тюкюрюк баш джармаз, налат кёз чыгъармаз!
- Кёл ашады да, кеси ашады.
- Юй кюйдю да, кюйюз чыкъды, ортасындан тюйюш чыкъды.
- Эм ашхы къайын ана мамукъ бла башынгы тешер.
- Ётюрюкден тюбю джокъ, кёлтюрюрге джиби джокъ.
- Окъдан джара эртде-кеч болса да бителир, сёз джара, ёмюрге къалыр.
- Джылар джаш, атасыны сакъалы бла ойнар.
- Кирсизни – саны таза, халалны – къаны таза.
- Байдан умут эте, джарлыдан ёгюз багъасы къорады.
- Мени джылытмагъан кюн, меннге тиймесин!
- Юйюнг бла джау болгъандан эсе, элинг бла джау бол.
- Джашда акъыл джокъ, къартда къарыу джокъ.
- Ачлыкъда тары гырджын халыуадан татлы.
- Ёпкелегенни ашы татлы болады.
- Чомарт джарлы болмаз.
- Къызын тута билмеген, тул этер, джашын тута билмеген, къул этер.
- Ойнай-ойнай кёз чыгъар.
- Адам къыйынлыгъын кёлтюрюр, зауукълугъун кёлтюрмез.
- Тил джюрекге джол ишлейди.
- Таула не мийик болсала да, аууш табылыр.
- Адеб базарда сатылмаз.
- Джогъун бар этген, барын бал этген.
- Сабийликде юретмесенг, уллу болса – тюзелмез.
- Билимли ёлмез, билимсиз кёрмез.
- Аман киши кеси юйюнде – къонакъ.
- Хатерли къул болур.
- Тешик этген тынчды, аны джамагъан къыйынды.
- Ата Джуртун танымагъан, атасын да танымаз.
- Сабий болмагъан джерде, мёлек болмаз.
- Агъач халкъгъа алтынды, иссиликге салкъынды.
- Ойнай билмеген, оюн бузар.
- Шекер бла туз – бир болмаз, ушамагъан – юй болмаз.
- Кёлсюзден сёзсюз тууар.
- Джарлыны эшигин махтагъан джабар.
- Чакъырылмай келген къонакъ сыйланмай кетер.
- Эшекге миннген – биринчи айыб, андан джыгъылгъан – экинчи айыб.
- Айран ичген – къутулду, джугъусун джалагъан – тутулду.
- Къаллай салам берсенг, аллай джууаб алырса.
- Ким бла джюрюсенг, аны кёзю бла кёрюнюрсе.
- Джылкъыдан – ат чыгъар, тукъумдан – джаш чыгъар.
- Иги сёз – джаннга азыкъ, аман сёз башха – къазыкъ.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
