Расширенный поиск
23 Июня  2024 года
Логин: Регистрация
Пароль: Забыли пароль?
  • Къартны бурнун сюрт да, оноугъа тут.
  • Айтхан – тынч, этген – къыйын.
  • Сибиртки да сыйлы болду, кюрек да кюнлю болду.
  • Келгинчи, къонакъ уялыр, келгенден сора, къонакъбай уялыр.
  • Аджашханны ызындагъы кёреди, джангылгъанны джанындагъы биледи.
  • Телиге от эт десенг, юйюнге от салыр.
  • Хар адамгъа кеси миннген тау кибик.
  • Ашлыкъ – бюртюкден, джюн – тюкден.
  • Термилгенинги табмазса, кюлгенинге тюберсе.
  • Бозаны арты дауур болур.
  • Аууздан келген, къолдан келсе, ким да патчах болур эди.
  • Адам боллукъ, атламындан белгили болур.
  • Джыланны къуйругъундан басарынг келсе, аны башы болгъанын унутма.
  • Байлыкъдан саулукъ ашхыды.
  • Чабакъ башындан чирийди.
  • Сормай – алма, чакъырылмай – барма.
  • Билген билмегенни юретген адетди.
  • Ачыкъ джюрекге джол – ачыкъ.
  • Айтылгъан сёз ызына къайтмаз.
  • Эл бла кёргенинг эрелей.
  • Аман къатын алгъан, арыр, иги къатын алгъан джарыр.
  • Ишленмеклик адамлыкъды.
  • Къыйынлы джети элге оноу этер.
  • Айран ичген – къутулду, джугъусун джалагъан – тутулду.
  • Бёрю да ач къалмасын, эчки да ашалмасын.
  • Бойнуму джети джерден кессенг да, мен ол ишни этеллик тюлме.
  • Къаллай салам берсенг, аллай джууаб алырса.
  • Джан саулукъ бермей, сан саулукъ бермезсе.
  • Тенги кёбню джау алмаз, акъылы кёбню дау алмаз.
  • Алтыда кюлмеген, алтмышда кюлмез.
  • Намыс болмагъан джерде, насыб болмаз.
  • Ишин билген, аны сыйын чыгъарады.
  • Джарлыны эшигин махтагъан джабар.
  • Уллу къашыкъ эрин джыртар.
  • Кеси юйюмде мен да ханма.
  • Сакъламагъан затынга джолукъсанг, не бек къууанаса, не бек ачыйса.
  • Гырджын – тепсини тамадасы.
  • Аякъларынгы джууургъанынга кёре узат.
  • Чарсда алчыны эл кёреди.
  • Ашарыкъда сайлагъаннга – чий гырджын.
  • Къызын тута билмеген, тул этер, джашын тута билмеген, къул этер.
  • Акъыл аздырмаз, билим тоздурмаз.
  • Ёнгкюч къууана барыр, джылай келир.
  • Кёзю сокъурдан – къоркъма, кёлю сокъурдан – къоркъ.
  • Къая джолда джортма, ачыкъ сёзден къоркъма.
  • Абынмазлыкъ аякъ джокъ, джангылмазлыкъ джаякъ джокъ.
  • Сескекли кесин билдирир.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Намыс сатылыб алынмайды.
  • Эл ауузу – элия.

День рождения фонда в Теберде!

24.05.2017

Фотографий - 123