Расширенный поиск
22 Января 2022 года
Логин: Регистрация
Пароль: Забыли пароль?
Навигация
Словарь
  • Ишге юренсин къоллары, халкъ бла болсун джоллары.
  • Асхат ашлыкъ сата, юйдегиси ачдан къата.
  • Гитче джилтин уллу элни джандырыр.
  • Аманнга да, игиге да оноусуз къатышма.
  • Къарнынг тойгъунчу аша да, белинг талгъынчы ишле.
  • Иги адамны бир сёзю эки болмаз.
  • Келинин тута билмеген, къул этер, къызын тута билмеген, тул этер.
  • Адамны аманы адамны бети бла ойнар.
  • Хоншуну тауугъу къаз кёрюнюр, келини къыз кёрюнюр.
  • Эшекге миннген – биринчи айыб, андан джыгъылгъан – экинчи айыб.
  • Эллинг бла джау болсанг да, юйюнг бла джау болма.
  • Экеу тутушса, биреу джыгъылыр.
  • Ёнгкюч къууана барыр, джылай келир.
  • Джаш къарыу бла кючлю, къарт акъыл бла кючлю.
  • Ышармагъан – кюлмез, кюлмеген – къууанчны билмез.
  • Чакъырылмагъан къонакъ тёрге атламаз.
  • Къыйынлы джети элни къайгъысын этер.
  • Адам къаллай бир ишленмесе, аллай бир кесин уллу кёреди.
  • Тёзгеннге, джабылгъан эшик ачылыр.
  • Джол бла сёзню къыйыры джокъ.
  • Кимни – тили, тиши онглу, кимни – къолу, иши онглу.
  • Ариуну – ауруу кёб.
  • Экеулен сёлеше тура эселе, орталарына барыб кирме.
  • Баш болса, бёрк табылыр.
  • Къыз чыгъаргъан – къызыл къымжа.
  • Чакъырылмагъан джерге барма, чакъырылгъан джерден къалма.
  • Дженгил джетерикме деб, узун джолну къоюб, къысхасын барма.
  • Иги джашны ышаны – аз сёлешиб, кёб тынгылар.
  • Къонакъ аман болса, къонакъбай джунчур
  • Адебсиз адам – джюгенсиз ат.
  • Айныгъанлы алты кюн, тогъайгъанлы тогъуз кюн.
  • Нафысынгы айтханын этме, намысынгы айтханын эт.
  • Ач отунчуну ачыуу – бурнунда.
  • Аманнга алтын чыдамаз.
  • Уллу атлама – абынырса, уллу къабма – къарылырса.
  • Урама да – ёледи, сатама да – келеди.
  • Тойгъан джерден туугъан джер игиди.
  • Иги сеники эсе да, сюйген кесимикин этеме.
  • Джукъу тёшек сайламайды.
  • Къонакъ хазыр болгъанлыкъгъа, къонакъбай хазыр тюлдю.
  • Ач – эснер, ат – кишнер.
  • Киштикге къанат битсе, чыпчыкъ къалмаз эди.
  • Ауругъаннга – кийик саулукъ, джетген къызгъа – чилле джаулукъ.
  • Ёзденликни джайгъан – джокълукъ.
  • Ишленмеген джаш – джюгенсиз ат, ишленмеген къыз – тузсуз хант.
  • Айран ичген – къутулду, джугъусун джалагъан – тутулду.
  • Агъач – джерни чырайы, кийим – эрни чырайы.
  • Рысхы – насыбха къор.
  • Таш ата билмеген, башына урур.
  • Ариу джол аджал келтирмез.

Фотографии

+ Создать галерею
Альбомы Эльбрусоида / Землячества

Землячество в Москве 2016

04.06.2016

Фотографий - 101