Расширенный поиск
28 Апреля 2024 года
Логин: Регистрация
Пароль: Забыли пароль?
Навигация
Словарь
  • Джаш болсун, къыз болсун, акъылы, саны тюз болсун.
  • Арба аугъандан сора, джол кёргюзтюучю кёб болур.
  • Бек ашыкъгъан меннге джетсин, дегенди аракъы.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Байлыкъ тауусулур, билим тауусулмаз.
  • Гугурук къычырмаса да, тангны атары къалмаз.
  • Джашны джигитлиги сорулур, къызны джигерлиги сорулур.
  • Аллахха ийнаннган кишини, Аллах онгдурур ишин.
  • Чакъырылгъанны аты, чакъырылмагъанны багъасы болур.
  • Ашхы болсанг, атынг чыгъар, аман болсанг, джанынг чыгъар.
  • Бал чибинни ургъаны – ачы, балы – татлы.
  • Ётюрюкден тюбю джокъ, кёлтюрюрге джиби джокъ.
  • Намысы джокъну – дуниясы джокъ.
  • Ана къойну – балагъа джандет.
  • Къонакъ кёб келюучю юйню, къазаны отдан тюшмез.
  • Ариуну – ауруу кёб.
  • Этек чакъмакълары баш джаргъан, сёлешген сёзлери таш джаргъан.
  • Ашхы – джыяр, аман – джояр.
  • Гитче джилтин уллу элни джандырыр.
  • Адам туугъан джеринде, ит тойгъан джеринде.
  • Джыланны къуйругъундан басарынг келсе, аны башы болгъанын унутма.
  • Киштикге къанат битсе, чыпчыкъ къалмаз эди.
  • Тас болгъан бычакъны сабы – алтын.
  • Ишленмеклик адамлыкъды.
  • Сёз – кюмюш, джыр – алтын.
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Сакъ юйюне сау барыр.
  • Ургъан суудан башынгы сакъла.
  • Къатыны харакетли болса, эри къымсыз болур.
  • Ким бла джюрюсенг, аны кёзю бла кёрюнюрсе.
  • Тёгюлген тюгел джыйылмайды.
  • Ойнай билмеген, уруб къачар.
  • Къанны къан бла джуума, аманны аман бла къуума.
  • От кюйдюрген, сау болса да, тот кюйдюрген, сау болмаз.
  • Битмегеннге сакъал – танг.
  • Ётген ёмюр – акъгъан суу.
  • Адебни адебсизден юрен.
  • Ата – баланы уясы.
  • Эртде тургъан бла эртде юйленнген сокъуранмаз.
  • Джюрек кёзден алгъа кёрюр.
  • Тенги кёбню джау алмаз, акъылы кёбню дау алмаз.
  • Къонагъынгы артмагъын алма да, алгъышын ал.
  • Тойну къарнашы – харс, джырны къарнашы – эжиу.
  • Джан саулукъ бермей, сан саулукъ бермезсе.
  • Агъач халкъгъа алтынды, иссиликге салкъынды.
  • Аллахдан тилесенг, кёб тиле.
  • Бичгенде ашыкъма, тикгенде ашыкъ.
  • «Ма», - дегенни билмесенг, «бер», - дегенни билмезсе.
  • Чомарт къонакъ юй иесин сыйлар.
  • Кеси юйюмде мен да ханма.

Фотографии

+ Создать галерею
Альбомы Эльбрусоида / Филиалы

спортивный понедельник

28.04.2015

футбол

Фотографий - 141