Расширенный поиск
10 Июля 2025 года
Логин: Регистрация
Пароль: Забыли пароль?
Навигация
Словарь
  • Башы джабылгъан челекге, кир тюшмез.
  • Таякъ этден ётер, тил сюекден ётер.
  • Ойнаб айтсанг да, эслеб айт.
  • Эри аманны, къатыны – аман.
  • Къайтырыкъ эшигинги, къаты уруб чыкъма.
  • Къыз тиширыу кеси юйюнде да къонакъды.
  • Телиге акъыл салгъандан эсе, ёлгеннге джан салырса.
  • Акъыл бла адеб эгизледиле.
  • Кюлме джашха – келир башха.
  • Къонагъы джокъну – шоху джокъ.
  • Кирсизни – саны таза, халалны – къаны таза.
  • Сескекли кесин билдирир.
  • Ушамагъан – джукъмаз.
  • Игиге айтсанг – билир, аманнга айтсанг – кюлюр.
  • Огъурлуну сёзю – суу, огъурсузну сёзю – уу.
  • Баргъанынга кёре болур келгенинг.
  • Айранны сюйген, ийнек тутар.
  • Джигер – джаннга къыйынлыкъ.
  • Тойгъа алгъа да барма, тойда артха да къалма.
  • Нёгерсизни джолу узун.
  • Чабакъ башындан чирийди.
  • Халкъгъа джарагъан, джарлы къалмаз.
  • Джол бла сёзню къыйыры джокъ.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Ач отунчуну ачыуу – бурнунда.
  • Аман хансны – урлугъу кёб.
  • Биреуню эскиси биреуге джангы болмайды.
  • Ашарыкъда сайлагъаннга – чий гырджын.
  • Ёлюк кебинсиз къалмаз.
  • Зар адамны насыбы болмаз.
  • Къонакъ хазыр болгъанлыкъгъа, къонакъбай хазыр тюлдю.
  • Келлик заман – къартлыкъ келтирир, кетген заман – джашлыкъ ёлтюрюр.
  • Нёгер болсанг, тенг бол, тенг болмасанг, кенг бол.
  • Ана къолу ачытмаз.
  • Къазанчы аман болса, къазаны къайнамаз.
  • Биреу къой излей, биреу той излей.
  • Таукелге нюр джауар.
  • Шекер бла туз – бир болмаз, ушамагъан – юй болмаз.
  • Баш болса, бёрк табылыр.
  • Ёмюрлюк шохлукъну джел элтмез.
  • Эртде тургъан бла эртде юйленнген сокъуранмаз.
  • Чыбыкълыкъда бюгюлмеген, къазыкълыкъда бюгюлмей эди.
  • Адеб этмеген, адеб кёрмез.
  • Джарлыны тону джаз битер.
  • Атынг аманнга чыкъгъандан эсе, джанынг тамагъынгдан чыкъсын.
  • Хантына кёре тузу, юйюне кёре къызы.
  • Нафысынгы айтханын этме, намысынгы айтханын эт.
  • Эл элде бирер малынг болгъандан эсе, бирер тенгинг болсун.
  • Тойгъан джерге джети къайт.
  • Кечеси – аяз, кюню – къыш, джарлы къаргъагъа бир аш тюш!

Фотографии

+ Создать галерею
Альбомы Эльбрусоида / Филиалы

Открытие представительства Эльбрусоида в Карачаевске

Фотографий - 39